tlhIngan-Hol Archive: Sun Sep 25 06:38:26 2011

Back to archive top level

To this year's listing



[Date Prev][Date Next][Thread Prev][Thread Next]

[Tlhingan-hol] nuq bop bom: 'ay' wejmaH loS

Qov ([email protected])



Recap: While the helmsman and FO wrestled with a[nother] thruster malfunction, a cascade of alarms went off on the bridge.[1]

34

"vIruch. vIj yIbuStaH," jatlh HoD, ghu' pojtaHvIS. ghummey maw' qIlchoH. ghum nuH pat 'e' SaHbe'. ghaytan bong Surchem chu'Ha'pu' ghutar 'ej nIjmo' lo' law' lojmIt, mIch loSDaq narghlI' muD. logh Sut tuQtaHmo' ghutar, 'ej mIchvetlhDaq mob ghaH, qay'qu'be'. ngaQchu' lojmIt wej, loS je 'e' 'ol. chaq lujta' begh 'a pavbe'. DopvetlhDaq chungbe'mo' Duj loslaH. ja'chuqtaH yaS wa'DIch, DeghwI' je. chaHvaD jatlh "chuyDaH boSeHlaH'a'?"

jang yaS wa'DIch. jatlh "SeH ghaH. wej QapchoH mIwDaj. Duj nIHDaq vIj Duy' tu'lu'mo', Dachbogh nochmo' tajvaj wIngu'laHchu'be'. tajvajDaj ja'Ha' vIj. wejmaH wej vatlhvI' gho 'oH tajvaj'e' 'e' wInoH. DaH ghurbe'law'. chaq maQagh 'ej qay'be'. maSuDbe' wIneH" SeHlawDaq mI'taH DeghwI' nItlhDu' 'ach monHa' DeghwI'. begh Dotlh ja' HoD. HaStaDaq ghu' naQ lubejlaH.

QumwI' woHqa' HoD. "ghutar, DotlhlIj yIja'."

Qum ghutar. "baQa'! Dej! Dejpu' Som naQ jay'!"

"yIjot'egh, ne'. qaStaH nuq'e'?"

"naDev poSchoHpu' Som'e'. loj baS meyrI' tIn." toH. vIta'be'pu'.

"nuqDaq SoHtaH?"

"puchpa'Daq jIHtaH. chob'a'Daq mubagh tlheghwIj."

"maj. chob'a' yIghoS 'ej yIba'choH. jotchoHpu' ghu'vam pIlel."

"lu' HoD!" jatlh ghutar. "naDev SaSmo' tlhamHey, chob'a' vISIchmeH tlheghwIj vItoSnIS. Soy'mo' logh Sut, chaq vItoStaHvIS qajanglaHbe'."

"yaj, ne'. Qapla'. DatoSpu'DI' HIrI'." jatlhtaHvIS HoD HaSta bejtaH. choHbe'law' ghu' 'ach lojmo' HochHom nIH noch, SovbejmeH yapbe' Sov.

Duj 'or neH 'ach motlh ghaH nIH ghop lo'. poS ghop lo'choHchugh 'orHa'bej. <nIteb DujlIj yIchIj> net jatlh 'a Dujvam chIj 'e' mevpu'DI' Dubpu' ghu'. vItbe' Hoch vIttlhegh. chaq qaStaHvIS wa' ram vagh SaD Hugh SIjlaH qetbogh loD. 'a DaH 'IjlaHmo' neH 'ej vanglaHbejbe'mo', mogh vajar. SuvmeH ro'Du' 'uchqu'choH. SIbI' 'oy'qu'choH ghaH nIH DeS. 'oy' SIQ 'e' tIv.
----
SKI: The hull in sector four has opened to vacuum, and the captain is frustrated to be a bystander
----
[1] Did I already mention that this serial number range of tlhIngan tlharghDuj was manufactured by Airbus Industrie?


_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol



Back to archive top level