tlhIngan-Hol Archive: Fri Sep 23 11:40:01 2011
[Date Prev][Date Next][Thread Prev][Thread Next]
[Tlhingan-hol] Dor wejmaHmey
loQ yIDwI' tIgh pab qorDu'wIj.
rInDI' nol, qaStaHvIS wejmaH jaj SIQ Heghpu'wI' qorDu'.
'IQnIS. vumbe'nIS. Hoch jaj SoQ SeQ jatlhnIS.
wejmaH jajmo' שלושים "shloshim" 'oH 'IvrIt Hol mu''e'. <wejmaH> mugh.
wa' wen vavwI' lom mollu'. wa'Hu' Dor jajmeyvam SeQ.
mol wISuch jIH, be'nI'wI', SoSwI' je.
taQ.
SaHbe'law' vavwI'.
lam tu'lu'.
lam ngogh ngu' pongDaj.
wa'maH waQ, mol per'a' jomlu'.
ngoghDaq nagh mach vIlan.
<naDev jIHpu'> ja' tIghHomvam.
'ach ghor bIngDaq yub neH tu'lu' 'e' vIQub.
tlhIngan qech vIlajchu'.
ramchu' lom Daq.
maSaghqu'.
matamqu'.
SoQHom SeQ wIjatlh.
ja' SoSwI' <mejpu' ghaH, ghorgh 'e' vItlhoj?>
pay' choHba' qo', 'ach QIt choHlI'.
va, taH yIn.
-- ghunchu'wI'
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol