tlhIngan-Hol Archive: Fri Sep 23 06:16:48 2011
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' wejmaH cha'
Qu'wIjvaD yapchoHpa' jul tajvaj paSmo' rep, DaHjaj 'ay'vam vIlablaH.
wa'Hu' 'eq jIHu'mo' 'ej nI'mo' Qu', ghaytan ghIH 'ej buD 'ay'vam.
jItlhIj. vIqarmoHmeH HIboQneS.
Yesterday's 'ay' concluded with a choking sound from ghutar's end of
the QumwI'.
32
SaHchoH HoD. jatlh "ghutar! qaS nuq?"
"vIlaghta', HoD," jatlh ghutar 'ach jotbe'qu' ghoghDaj 'ej voQlaw'taH.
jatlh HoD. "Surchem yIHotlh." ra'.
"wej vIlegh," jatlh Hung yaS.
"qatlh? Dubot nuq? tlhoy' Dalaghta'mo' SoH tlhopDaq 'oHtaH."
"puchpa' tlhoy' 'emDaq yaghmey vIleghDI' ... jI'empu'. [15] mIvwIjDaq
bottaHmo' quy'Ip, Qatlh jIleghmeH Qu'."[16]
Haghqu'mo' Hota'ro' SIHchoH qIvDu'Daj 'ej ravDaq ba'choH,
Haghchu'taHvIS. "Hota'ro' lagh," jatlh HoD. "yap." SIbI' Hagh 'e'
mev. ghutarvaD jatlh HoD "yIrechqu' 'ej nachlIj yIvIHmoH."[17]
"'arghHa'choHlI'," jatlh ghutar. "DaH naw'meH Surchem vIlegh.
vIHotlhchoH ... QaQ choHwI'vam ... QaQ je cha'DIch ... Qap wejDIch 'a
pujlaw' .. QaQ loSDIch. wejDIch vIchoHrup." yev ghutar, ghIq jatlhqa'
"lojmItHom Surchem je jojDaq vI'law'pu' Hap SuD. botlaw'." Haghbe'meH
Hota'ro' voQ'eghlaw'.
"Dubot'a'?"
"ghobe'. lojmIt bot."
"yIbuSHa', Hung yaS. ghaytan puchvo' 'oH."
"lu' HoD! DaH choHwI' vIteq DaneH'a'? ngaDbe'qa' tlham."
"Duchaw'chugh ghu', yIruch," jatlh HoD. targh Qup qawmoH ghutar. rut
qu' 'ej buQtaH, rut HoD belmoHmeH ghop roSchoH. wej nIteb vangrup.
valqu'be', 'a matlh 'ej tIn 'ej ghojqang. wa' jaj QaQ Hung yaS moj.
'a qatlh ngaDHa'qa' tlham? yaSpu'Daj bej HoD. ravDaq ba'taH DeghwI'.
Qongruplaw'. jav rep ret ghaHvaD rInpu'mo' yaH poH, pIchbe' HoD.
tlham chu'Ha'be'ba'pu'. yaS wa'DIchvaD jatlh HoD, "'ungya, Daghong 'e' yImev."
"nuqjatlh?" jang yaS wa'DIch "jI'or 'e' vIbuS. qaSqa'laH 'e' DaHar'a'?"
"qaSqa'laH nuq?" jatlh HoD.
"vIj Heghbatqoq. tlhe'Ha'choH latlh 'e' vIHar. wej vISovbej. qaSchugh
DaH machqu' tajvaj.[18] chaq qaSbejbe'. retlhbogh chuyDaH
vIDonmoHlI'. HoS naQ. 'arghchugh, Degh wIghma'vaD vIQay. ghu' vIjIHtaH."
vemchu'choH DeghwI' 'ej yaHDaj tlhap. "HIleghmoH, qaH," jatlh.
wovchoH DeghwI' SeHlaw. "QaybeH Degh. DaSeHrupDI' yItlhap" jatlh yaS
wa'DIch. tay'choH beq tay'Ha'choHtaHvIS Duj.
ghutarvaD jatlh HoD, "yI'uchqu', ghutar ne', chaq bIQom. ghu'lIj yIDeltaH."
---
SKI: Another thruster might be doing that deathwish thing.
---
[18] Sorry, ghunchu'wI'. It wasn't a one-off. It's part of the whole
plot of this 'ay''a'.
[15] Can you imagine what would be growing behind the incompletely
sealed walls of a Klingon toilet/shower stall?
[16] I understand that there are those who don't like prefixes in
this construction. yIQIj.
[17] I'm not the first person to wonder how to deal with this
problem:
<http://answers.yahoo.com/question/index?qid=20110323060624AAzdk9h>http://answers.yahoo.com/question/index?qid=20110323060624AAzdk9h
and it's in NASA's EVA suit specs.
<http://msis.jsc.nasa.gov/sections/section14.htm>http://msis.jsc.nasa.gov/sections/section14.htm
All previous 'ay'mey published at http://nuqbopbom.blogspot.com
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol
![[KLI Member]](/pics/KLImemberbutton.gif "[KLI Member]"){kind=small}
![[Hol po'wI']](/pics/level3_big.png "[Hol po'wI']"){kind=small}