tlhIngan-Hol Archive: Wed Sep 21 10:49:45 2011
[Date Prev][Date Next][Thread Prev][Thread Next]
Re: [Tlhingan-hol] nuq bop bom: 'ay' wejmaH
At 10:03 21/09/2011, you wrote:
On Wed, Sep 21, 2011 at 10:08 AM, Qov <[email protected]> wrote:
> vaj HIchDal'a' chen Duj'e'.
chen*moH*.
<moj> vIghItlh 'e' vIHechlaw'. <HIchDal'a' moj Duj'e'>
> choHwI' qab Dangu'pu'DI' chu'wI' yItam[9].
qabbej'a' choHwI' Duy'?
qayaj <Qop> vItam.
chu'wI'vaD qa'meH DaponglaH'a'?
maj. DIpvetlh vIqelbe'pu'.
> SoQ'eghqa'DI'
<-'egh> DapoQchugh, poQ'eghlaw' je <-moH>.
<-'egh> Danopchugh, yaplaw' <SoQqa'DI'>.
bIlugh. 'ach jIHagh. ghItlhwIjDaq vIchoHDI'
bIngDaq nargh tlhegh Doq. muj mu'vetlh neH 'e' Har Blogger!
> mIv tuQmoHmeH 'ej SoQchu'meH boQ HoD.
chaq <ngaQ> qaq law' <SoQchu'> qaq puS. DuH neH vIchup.
DaH <SoQchu'meH 'ej mIv tuQmoHmeH boQ HoD.> vIghItlh.
SoQ Sut, ngaQ mIv 'e' vIwuq.
> puchpa' vIQu'vatlh! HurghchoHchu' jay'!?
va, jImogh. not tlhIngan puchpa' vIleghpu'.
'upba'. DaleghnISbe'mo' bIDo'. 'a SoHvaD vIDel.
pa' SaH puch. baS 'oH. poStaHvIS bIQ ngaSbe' 'a
lo'ta'DI' vay' SoQmoH. ngaQchoH 'ej
Say''eghmoHmeH bIQ lo' puch. puchpa'Daq
Say''eghmoHlaH nuv. rav'eqvo' (DungDaq mIqta'
tu'lu'mo' rav'eq 'oH) HuS bIQ 'ochHom 'ej ravDaq
bIQ boSwI' tu'lu'. nap. Du'Daq Suy'
DaSay'moHpu'chugh pat Daghov. pIj lo'be' tlhIngan
'ach rInpu'DI' may' rut jagh HuH teqmeH lulo'.
Qeqchu'be'DI' puch lo'bogh tlhIngan lI' je pat.
ghutar HoqHom Dacha'be'taHvIS 'ej ghoghDaj neH wIQoytaHvIS,
jIHaghchoH. jIja'egh ngor Qov. puchpa', jonta' pa' je chenmoHpu'be'.
vaj ma'IjtaHvIS QumwI' neH wIbej. QumwI' qutlh law' lut pa'mey qutlh
puS. ghIq jIHaghqu'choH. mu'mey neH bIH, tlhoS 'e' vIlIj.
lut 'ay' wa'DIch chovDI' vay', <wa' nuv vuD
yIqel> qeS. qeSvetlh vIlaj 'e' vItIv. rut lut
DajmoH. Hoch qeS vIlajqang. SoHvaD pa' wagh vIchennISmoH.
- Qov
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol