tlhIngan-Hol Archive: Sat Oct 22 07:24:07 2011
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' javmaH wa': <chaloy>
Content: if you don't care to, or your local laws forbid you to, read
about sexual activity, skip the first three paragraphs. Mahoun, you
see, has just found another place where Klingon women have ridges.
61
"qaneHqu'," jatlh Mahoun 'ej 'eSSIm QarghDaq QInDaj let jop. Mahoun
beyHom Qoylu', chaQtaHvIS. tuj be'. QeyHa'. vIHchoH. ngaghtaHvIS
jatlhbe'law' tlhInganpu'. chaq nongchu'mo' chaHvaD qItHa'. 'a be'
tungHa'meH jatlhtaH Mahoun. jangbe' ghoghDaj 'a jang porghDaj. yuv.
DoH. yuvqa'. tay'taHvIS porghDu', bom 'Iwchaj. DuQqu'meH,
'IvtIHDu'Daj 'uch Mahoun. pe'vIl 'eltaH. noghtaHvIS ngaDHa'choH quS.
pay' DIng 'ej pumchoH. 'eSSIm QorghmeH, chaghtaHvIS quS. be' qengchoH
Mahoun. 'ach tlhIngan pujmoHpu' HIch, machmoHpu'be'. 'ughmo'
qaStaHvIS lup neH qenglaH. yItHa' 'ej raSDaq lan. ghomHa'choH navmey.
DubDajDaq QotmeH 'eSSIm tlhe'moH. 'ombe'chu'. raSDaq QottaHvIS 'eSSIm
'uSDu' pep Mahoun 'ej QutlhmeH volchaHDu'DajDaq 'uSDu' lan. ngaghqa'lI'.
be' HoSghaj ghatlh Mahoun 'e' tIv 'ach raSDaq noghtaHvIS 'eSSIm porgh
nong, be' belmoH 'e' tIv je. tlhIngan ghaH 'e' qelbe'choH. tIvchu'mo'
latlh qech qellaHbe'. belDaq porgh HaH. 'ej HoSghajqu'mo' bel, porgh
naQ Dan. tlhuHqu'. Qom. qaStaHvIS lup tlhoS QamlaHbe'.
ngaD'eghqa'moHta'DI' QamtaH 'ej 'eSSIm DIr yach. jatlhbe'taH 'eSSIm
'ej bejlaHqu'be'law' mInDu'Daj. chaq tlhoy puj HIch lo'pu' 'e'
HajchoH Mahoun. chaq tlhInganvaD QapHa'. chay' DISlaH? "'eSSIm,"
jatlh, 'ej jatDaj qotlhmo' tlhIngan wabmey, jatlhqa' "'eSSIm."
volchaHDu'Dajvo' 'uSDu'Daj teq. raSvo' HuStaH.
jatlhchoH 'eSSIm, "chaloy, chotlhuchchu'pu'." ba'choH ghIq joD 'ej
Mahoun roSchoH.
bang pong QoyDI' Mahoun, ghov. Sov Hal ngu'meH Qub. chaq qech lo' bom
Qut bombogh 'avwI'. chaq rut qama' vaqmeH bang pongqoq 'ogh
'avwI'pu'. DIvqu'mo' Mahoun 'eSIim jIb yach 'ej jatlh "'eSSIm,
qatojta'. jItlhIj."
ba'qa' 'eSSIm 'ej Mahoun volchaHDaq DeSDu' qatchoH. Hotchuqmo'
ro'DuDaj mupqu' wej tIqchaj 'e' lutu'laH. Mahoun teSvaD jatlh 'eSSIm.
"vISov." [33]
jatlh Mahoun, "chay' qatoj 'e' DaSov?"
jatlh 'eSSIm "tlhIngan DatojlaHbe'. vay' DapeghlaH 'e' DaHarDI'
tlhaQ. bIQaghtaH." raS lItHa' 'ej wIjwI' Sut tuQchoHmoH. jatlh "pagh
vIpeghmo' jIH 'ej chotlhej 'e' vItIvmo' qachergh. qamaw'a'?"
monqu' Mahoun. jatlh "ghobe'. choQuchqu'moH."
jangbe' 'eSSIm. yopwaHDaj tuQmoHlaHpa' Mahoun, mej.
----
SKI: Essim and Mahoun have sex, but that may not be the most intimate part..
----
[33] Oh Marc there are just so many contexts where the two meanings
of qogh are awkwardly ambiguous. What were you thinking?
This, by the way, is why I was asking about the colour of the Qo'noS
sky a while ago. Thank you for the picture. Mahoun is that colour
when he is hot, lighter blue in the cold.
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol