tlhIngan-Hol Archive: Thu Nov 24 08:02:01 2011
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' HutmaH wej: <vav pegh>
<html>
<body>
Another long chapter. <br><br>
'eSSIm is certain the next words out of Mahoun's mouth will be
blackmail.<br><br>
93<br><br>
'a Huch qelbe' Suy SuD. jatlh ?jIHmo' DanaDHa'lu'chugh jIQoS. SoHvaD
potlhchugh, jIjatlhpa' jatlh Hovmey, 'ach joStaH beqwIj. ghaytan DaH
parmaqqaylI' ngu'laH yuQvam bID. choQaHmeH vItemqang, DaneHchugh.?
'Ilqu'mo' QeHbe'choH 'eSSIm 'a tlhIngan naDHa'ghach SIghlaHbe' nov.
vavDaj qawmoHmo' jotqa'chu'be'. <br><br>
Mahoun QumwI' Qoy 'eSSIm. yopwaHDaq 'oHtaHmo' QumwI''e' SammeH Hu'
Mahoun. rI' be'. yelHol jatlh. mu' <tlhIngan> ghov 'eSSIm. 'Ij
Mahoun ghIq ghel. moghlaw' HoD. <tlhIngan> jatlhlaw' je Mahoun 'ej
jatlhDI' Quchbe'. rInpu'DI' jabbI'ID jatlh 'eSSIm ?qaStaH nuq??<br><br>
?murI' DujwIj neH. yuQvam pawlI' yuQjIjQa' Duj.? jatlh Mahoun.<br><br>
?qatlh naDev ghoS yuQjIjDIvI'? motlh naDev ghoS pagh 'ej pay' SaH SoH,
DIvI', cholbogh tlhIngan Duj je,? jatlh 'eSSIm. ghaytan DIvI'vaD ghoq
Mahoun. <br><br>
?jISovbe'. DIvI' wIboqbe'pu'. ghaytan nuSujmeH neH rI' Emlye. jIratlh
DaneH'a'?? jatlh Mahoun. <br><br>
vagh tup ret ratlhtaH 'e' maS 'eSSIm 'ach DaH mobtaH neH. ?'utbe',?
jatlh. QIpbe' Mahoun. mej 'ej pagh jatlh.<br><br>
jol Qoypu'DI' De'wI' lel 'eSSIm. QumtaHvIS Mahoun Duj je, jabbI'ID
qonta'. DaH mughlaH. rI'bogh be' mu'mey mughlaHchu' jan. jatlh <HoD,
SaSujbe' 'e' vItul. qaSpu' wa' rep. vIpoHta'. poghmey parHa''a'
tlhInganlI'? Dutlho''a'?> tlhIvqu' beq 'a qunbe' HoD. chergh neH.
nepbe'pu' HoD. tugh bavchoH Duj chu' jatlhpu' be'. Duj Segh loy 'e'
nIDtaHvIS HoD <tlhIngan may'Duj> jatlhpu'. 'ach qarmoH be'.
yuQjIjQa' Duj 'oH. <tayghIrav> rur Duj pong. vay' 'oSchugh DIvI'
mu' mughbe'pu' jan. Duj ghovbe' 'eSSIm 'ach Duj law' ghaj DIvI'. chaq Suy
chaH je <tayghIrav>'e'.<br><br>
Hur tuj ghoS 'eSSIm 'ej SomrawDu'Daj rotlhmoHmeH mI'choH. be'Hom Qup
ghaHtaHvIS mIwvam ghojchoHmoH vav.[61] Qupqu'mo' 'eSSIm HeghDI' vav, 'ej
lobchu'mo' be'Hom, vav pong ja'be' 'e' ra'DI' SoS, vav lIjpu' 'e' Har
SoS. 'ach not vav lIj 'eSSIm. pegh, 'a chegh 'e' loS. Hoch jaj qaw.
nenDI' 'eSSIm vav Hegh quvHa' Del me'. jatlh <wo' maghpu'mo' tuHchoH
'ej mobtaHvIS voQ'eghmeH tlhegh lo'>. quvHa'ghach yaj eSSIm , 'ej
tuHqu'moH 'ach HoS vav 'ej yoH 'ej quv 'e' qaw. Heghvetlh quvHa'qu'
wIvmeH tlhIngan, qaSnISpu' nuq? jatlhqangbe' SoS 'ach HeghDI' 'aHDajDaq
vav mIllogh tu'. Qam ghaH, QI' HIp tuQtaHvIS 'ej tlhopDajDaq Qam 'eSSIm,
buQtaHvIS. QujtaHvIS qama' Da vav 'ej 'avwI' Da 'eSSIm 'e' qaw.
?jatlhQo'!? ra'DI' puqbe'. lob vav. may'DujDaq Heghmo' 'ej may'Dujvetlh
Qaw'lu'mo' not vIt SovlaH qorDu'. ghaytan Sovbe' je QI'. wa' ngoD SovtaH
'eSSIm: nuch ghaHbe'pu' vavDaj'e'. wa'vatlhlogh pep'eghmeH DeSDu'
lo'ta'DI' 'eSSIm, 'uSDu' qaDchoH.<br>
---<br>
SKI: 'eSSIm checks up on Mahoun's claims, and remembers her father.<br>
----<br>
<font face="Times New Roman, Times">[61] Klingons mature much faster than
humans, according to TNG canon
</font><a href="http://en.memory-alpha.org/wiki/Klingon";>
http://en.memory-alpha.org/wiki/Klingon</a>
<font face="Times New Roman, Times">.<br><br>
</font></body>
</html>
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol