tlhIngan-Hol Archive: Tue Nov 15 07:52:45 2011
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' chorghmaH loS: <'argh tagh>
Ensign Hota'ro' struggles to breathe and obey orders while suffering
the effect of toxins.
84
rav lojmIt poSmoHta'DI' Hota'ro' bIng nuD HoD. DewI'mey mIqta' je
legh. Say' rav 'eS. "yISoQmoH, lagh," jatlh. lojmIt SuvtaHvIS lagh
meH 'elqa'. chob'a'Daq Hota'ro' bejtaH ghutar. lojmIt retlhDaq
QottaH. luH 'ach pujqu'mo' SoQmoHlaHbe'.
"wIvorlaHbe''a'?" jatlh ghutar, Hota'ro' bejtaHvIS.
jatlh HoD, "SuQ 'ach QIt HoH. taS DaleghDI' bIHeghbe'. DatlhuHDI'
bIHeghbe'. 'op DacherghlaH 'ach tlhoy DatlhuHchugh yInSIp Dalo'laHbe'
'ej bIHegh. ghaytan ghaHvaD 'argh, tagh QIDlu'mo'."
jatlh ghutar "vaj tar 'Iq tlhuHpu''a'? HeghlI''a'?"
"Qel vIrur'a'?" jatlh HoD, 'ej HoD pa' ghoS.
HoDpa'Daq tlhuHqu' vajar 'ej chov'egh 'e' nID. yapbe'choHDI' yInSIp
Quchmo' nuv, chov'eghlaHbe' 'e' Sov, vaj Quchbe'mo' Quch. qechvetlh
qelchoHDI' mISchoH. pay' Hoqra' qaw 'ej Hotlh'egh. HoD 'IwDaq wej
Qobqu' tar 'a SaH. 'ungya Hotlh je. tar puSqu' ngaS 'IwDaj, 'ach
HotlhtaHvIS Qay' 'ungya. Hoqra' tlhapqu' 'ej jaD. tlhoy' qIpqu'DI'
ghomHa' SaD 'ay'mey. "HIHotlhtaHQo'." jatlh 'ungya. "tlhIngan maH."
"jagh wISuvmeH jagh wItu'nIS" jatlh HoD 'ej Hoqra' 'ay'mey boSmeH
joDchoH. 'a ngugh ghumchoH ghuH. Hotlhqa' jagh Dujqoq. pu'HIch lel
HoD 'ej meH 'el.
SIbI' "DachtaH," jatlh ghutar. "chaq nutlha' nuch. nuSuvvIpmo' maHegh 'e' loS."
"maHeghbe'." jatlh HoD. SoQtaH lojmIt wa' 'ej ghutar yaH retlhDaq
quSmeyDaq QottaH Hota'ro'. "nIteb yItta''a'?" jatlh HoD. tul.
jatlh ghutar. "ghobe', HoD. vIqengmeH qaStaHvIS wa' tup yaHwIj vIlon.
bIj vIlajrup." jangbe' HoD. DaH jup Hegh bejnISmo' ghutar, bIjDaj wIvta'.
jatlh HoD, "qaSon, ghutar. pa'lIjDaq yIQongQo'. pa' 'aH 'ut
DaSuqnISchugh yIghoS 'a pa'wIjDaq yIQong. bIcheghpu'DI' mIch wej 'el
vay' net tuch."
"lu' HoD," jatlh ghutar 'ej mIch cha' 'el.
Hota'ro' bej HoD. luDechbogh wanI'mey Sovbe'law'taH. tlhuHmeH nuj
poSqu'moH 'ej vIH volchaHDu'. Hu' HoD, joD 'ej quSDaq Hota'ro'
ba'moH. "meH DaSeH" jatlh HoD 'ej jolpa' ghoS.[38]
---
SKI: vajar does not answer all of ghutar's questions about the threat
posed by the poison.
---
[38] If you don't know why the captain would go to the transporter
room, you haven't been paying close attention. If you don't know why
he would leave a semiconscious-at-best ensign in control of the
bridge while he did so, you might be paying closer attention than vajar.
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol