tlhIngan-Hol Archive: Sun Nov 13 13:46:07 2011
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' chorghmaH cha': <tagh ghu'>
Captain vajar has just found abnormally low oxygen in Ensign Hota'ro''s blood.
82
morgh Hota'ro'. jatlh "jIpIv! HIpumQo'!" vIDchoH. qabDaj qIpmeH ro'
lo' HoD. qevpobDaj rIQmoH HoD Qeb.
jatlh vajar, "lagh, DeghwI' SoH. yIQub. 'Iv paQDInorgh yIqaw.
DughHa'choH beq 'ej Quchqu'. qaS nuq?"
poSqu' Hota'ro' mInDu' 'ej ghopDu'Daq qab So'. jatlh "HoD,
beqvetlhvaD yapbe' yInSIp. jItlhIbpu'."
DeghwI' taghDu' Hotlh HoD 'ach Seng'a' tu'be'. wa' QIDlu'pu' 'e' tu'
'a pIvchoHbejlI'. muD ngeb Dotlh nuD HoD. meHDaq yap yInSIp. mIch
cha'Daq yap yInSIp. mIch wejDaq yap yInSIp. chIm mIch loS, mIch vagh
je. Hoqra' lIS 'ej Hota'ro' Hotlhqa'. jatlh HoD "naDev muDDaq yap
yInSIp 'ach lajlaw'Qo' 'IwlIj. bot vay'." tlhIch purDI' vay', tlhIch
SIp 'uchqu'mo' 'Iw, yInSIp 'uchlaHbe'. tlhIch DalaH latlh SIpmey.
"Ha', HItlhej," jatlh HoD. tlha' Hota'ro'. mIch cha' luvegh 'ej mIch
wej lu'el. muD ngeb SeHwI' pat lojmIt poSmoH HoD. "yI'el," jatlh.
'elvIplaw' Hota'ro' 'ach lob. muD SeHwI' pat lunuD. SIp'e' rechbogh
nuv boS 'ej choHqa'. chen yInSIp, Hap qIj je. Qaplaw'lI' mIwvetlh.
janDaq vI'taH Hap qIj[98]. pupbe'mo' latlh yInSIp chelmeH pat, bIQ
chev. rechpu'bogh SIp chenqa' bIQSIp, 'ej yInSIp lutlhuH nuv.
jonta'Daq 'op naw' lojmItHommey poSmoH Hota'ro' 'e' ra' HoD.[32] bIQ
law' natlhtaHmo' chaq QapHa'.
ravDaq lojmIt poSmoH Hota'ro' 'e' ra' HoD. ngaQHa'moHpu'DI' lojmIt
'ugh vIHmoHmeH tlhuHqu' 'a poSmoHta'. bIng bejchoH Hota'ro'. ghaH
retlhDaq Qam HoD 'ej bIQ pat 'ay'mey ngu'. Hurgh choQ 'eS 'a bIQ lam
ngaSwI', watlhmoHwI', veQ boSwI', bIQ Say' ngaSwI' je leghlaH. jatlh
HoD, "yIghIr 'ej Seng yInej. SoHvaD 'ul Sech vISuq."
letlhHom ghIr Hota'ro'. rav Hotbe'mo' letlhHom 'er'In 'eS, SupnIS
Hota'ro'. SaqDI' yIQ rav. jatlh "nIjba' vay'. Dat bIQ tu'lu'."
"nIj'a' veQ boSwI'?" jatlh HoD. ghaHvaD 'ul Sech chagh HoD.
tugh jatlh Hota'ro', "HoD! bIQ 'oHbe'! pa'vam SoD bIrmoHmeH taS."
----
SKI: Hota'ro' and vajar inspect the atmosphere control and water systems.
----
[32] In the advanced model you get diamonds out of that slot.
[98] The Sabatier reaction.
I translated this 'ay''a' for my friend the industrial wastewater
engineer. She almost injured herself laughing at the Klingon systems.
I kept telling her, the smart Klingons do NOT go into engineering.
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol