tlhIngan-Hol Archive: Sun Jan 16 10:07:26 2011
[Date Prev][Date Next][Thread Prev][Thread Next]
qoqqoqmey - jaj Soch
- From: "ghunchu'wI' 'utlh" <[email protected]>
- Subject: qoqqoqmey - jaj Soch
- Date: Sun, 16 Jan 2011 13:05:22 -0500
DaHjaj nguSDI'mey SeHwI'mey je DIrar.
lengmeH qoq, HoS QaywI' DIngmoH nguSDI'.
rutlh DIngmoH QaywI'. nom DInglaH pagh QIt DInglaH.
Do lIS QaywI'. lISmeH vIHnIS 'ay' machqu'.
'ay'vam vIHmoH yuvbogh muD.
muD yuvwI' lujom ghojwI'pu'.
muD 'ochHommey, muD vI'wI', muD noch je rar.
QummeH qoq SeHlaw je, Se' lo'.
Se' QumwI' wIlabbeHmoH 'ej wIjom.
qoq SoSbor wIghun jIH ghojwI' je.
De'wI' vIHotbe' jIH. vIqeS neH.
Qap Hoch ghunbogh ghaH.
jIQuch. pat yajchoHchu'lI' ghaH.
DISvam Qu'wIj ngeD law' ben Qu'wIj ngeD puS.
nguSDI' DIwaH. Qap Hoch. maj.
Do'Ha' loQ QoblaH qoq DeS.
DeS HeDaq SeHwI' SoSbor lujomta' nuvpu' jIv.
maDughbe'chugh, SoSbor ghorlaH DeS. Qabba' wanI'vam.
DeS wIrIHpa', SoSbor QanwI' chenmoH vay' 'e' wIqap.
wa'leS ravDaq qoq ngo' wIlan 'ej vIH 'e' wIchaw'.
-- ghunchu'wI'