tlhIngan-Hol Archive: Sun Jan 09 15:33:31 2011
[Date Prev][Date Next][Thread Prev][Thread Next]
qoqqoqmey - jaj wa'
- From: "ghunchu'wI' 'utlh" <[email protected]>
- Subject: qoqqoqmey - jaj wa'
- Date: Sun, 9 Jan 2011 18:31:10 -0500
DaHjaj qoq Quj wIghoj.
DuSaqDaq ghom ghojwI'pu' boQpu' je.
jIH'a'Daq much wIbej.
SoQ DISIQ.
jatlh Will.I.Am. 'Iv ghaH jay'? bomwI'Hey ghaH. jat.
jatlh John Dudas. cham 'oghwI' loH Devpu'. DaH qoq 'ovwI' loH Dev.
jatlh Woodie Flowers. cha'maH ben MIT-Daq ghojmoHwI''a' ghaH. DaH qoq
'ovwI' loH qeS.
jatlh Dean Kamen. 'oghwI' val ghaH. qoq 'ovwI' loH cher.
tagha' Quj luDel.
che'ronDaq ghomey chIS, meyrI'mey SuD, latlhmey Doq HIj qoqmey.
DoSnaQmeyDaq Dochmeyvam HuS qoqmey.
'ovwI' loH Degh chenmoHlaH wej Dochmey.
qoqHom mach qenglaH qoq tIn.
rIntaHvIS Quj, tutmey toS qoqHommey.
yor SIchDI' qoqHom wa'DIch, Qap.
law' Quj chutmey. naplaw' Quj, 'ach Qatlh 'e' vIpIH.
DaH maQubnIS. chay' maQuj? nuq 'oH Dupmaj'e'?
mawavchuq 'ej chen loS ghomHommey.
qechmey boS Hoch ghom.
wejleS qechmey lumuchlu'.
loSleS mawuq.
-- ghunchu'wI'