tlhIngan-Hol Archive: Wed Feb 23 12:39:48 2011
[Date Prev][Date Next][Thread Prev][Thread Next]
qoqqoqmey - jaj loSmaH loS
- From: "ghunchu'wI' 'utlh" <[email protected]>
- Subject: qoqqoqmey - jaj loSmaH loS
- Date: Wed, 23 Feb 2011 15:37:23 -0500
DaHjaj maQor.
po yaHmajDaq maghom.
qoqmaj luchmaj nuHmaj je DIboS.
tongDujHommaj wIteb.
QormeH veng wIghoSchoH.
qaStaHvIS wa' rep maleng.
qep che'ronDaq mapawpa' megh wISopmeH mayev.
ghIq maghoSqa' 'ej che'ronDaq tepmaj wIlel.
choQ cha'Daq che'ron cherlu'.
'ughmo' 'op tepmaj tepqengwI' wIlo'.
QIt vIH tepqengwI'.
lIghtaHvIS nuv puS, cha'logh letlhDaq tep tIS qenglaH latlhpu'.
jeS chorgh DuSaQ ghommey.
Dach loS ghommey pIHpu'bogh Daq yaSpu'.
qoqmaj DeS ghorqa'pu' vay'.
qaStaHvIS rep wa'DIch lutI'lI' vumwI'pu'.
quq latlh Qu'Hom.
begh jomchoH latlh.
paw'chugh cha' qoq, Qan begh tun.
latlh qoqmey vInuDchoH.
latlh ghommeyvaD jIlIH'egh.
qoq ghunwI' po' jIHmo' loQ jInoy.
boQwIj luneH ghojwI' puS.
qeSwIj vInob.
Qap qech vIchupbogh.
vaQ qoq puS.
Doj.
qeqnISba'taH DeghwI'pu' 'ach DublI'.
vaQbe' qoq puS.
ghojlI' ghommey chu'.
tagha' che'ronDaq qoqmaj lanlu'.
vIH.
mep ghomey woH.
DoSDaq ghomey HuS.
Qapla'!
'ach rut vIH'eghmoHlaw' qoq.
ruQbe'taHvIS DeghwI', nom HeDchoH qoq.
Qubqu' ghunwI'pu'.
lughbe'ba' vay'.
qaS Seng, tagha' 'e' wIqaSmoH.
wa' mIwHom wInuD.
mIwvam wI'oghta' maH.
mIwvam wIghunta' maH.
mIwvam wIyajbe' jay'.
wIpolHa' 'ej qa'meH wIghun.
maj, DaH pup mIw.
che'ronDaq qeqqa' qoq DeghwI' ya je.
bong reD mup DeS.
pum DeS.
baS SIrgh ghorqa'lu'.
nom Dup wIv qoqpIn.
SIrgh tammeH cha' SIrgh jom.
Qaplaw'.
maqeqta'DI' tepmaj wIboSqa'.
vengmaj wIghoSqa'.
SIbI' 'uQ wISopmeH mayev.
lurDech Suqpu' ghommaj.
ma'ovpu'DI' roD "Steak 'n' Shake" wIyot.
yaHDaq tongDujHom wItebHa'.
vum luneH ghunwI'pu'.
Do'Ha' qaS lotHom.
DaH HoSmo' baS SIrgh, luj latlh 'ay'.
Sor Hap 'oH qoq volchaH'e'.
Dej volchaH HeH.
qoqpIn wISovmoH wIneHba'.
'ach nuqDaq ghaHtaH?
va, mejta'!
ghaH vIrI' 'ej ghu' vIQIj.
wa'leS tI' ghaH 'e' lay'.
Qapbe'qa'mo' DeS pagh wIta'laH.
ratlh wa' jaj.
cha'leS ngaSwI'Daq qoq wIwegh 'ej nge' HIjwI'.
-- ghunchu'wI'