tlhIngan-Hol Archive: Mon Feb 21 11:03:35 2011
[Date Prev][Date Next][Thread Prev][Thread Next]
qoqqoqmey - jaj loSmaH cha'
- From: "ghunchu'wI' 'utlh" <[email protected]>
- Subject: qoqqoqmey - jaj loSmaH cha'
- Date: Mon, 21 Feb 2011 14:00:50 -0500
DaHjaj Qap DeS.
jIDoy'.
Qap DeS.
Doj; mI'bogh mIl'oD rur.
tagha' QujlaH qoqmaj.
rotlhHa'qu' DeS pat.
cha'logh baS SIrgh ghor ya.
pat ghongbe' 'e' vInoH.
nom vIHchoH 'e' SIQlaHbe' neH DeS.
vaj DeS Do luvuSnIS ghunwI'pu'.
Do'Ha' DeS tajvaj'e' wej wIjunlaHmo' wej wIghunlaH.
rutlh pat Duy'Hom ngu'pu' qoqpIn.
pay' HeDchugh DeghwI', ghoSHa' mIr.
chuSqu'.
vaj HeDlaH qoq 'e' luvuSnIS ghunwI'pu'.
Do' rutlhmey DIjunlaHmo' nom vuSwI' wIghun.
wa'leS maQor ghommaj latlh ghommey Sum je.
ghaytan SaH wa'maH cha' DuSaQmey ghojwI'pu' boQwI'pu' je.
wa'Hu' maQorrupbe'chu'.
DaHjaj maQorrup.
wa'leS qoqmaj wIlIH 'ej latlh qoqmey DIqIH.
-- ghunchu'wI'