tlhIngan-Hol Archive: Mon Dec 26 10:56:14 2011
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' wa'vatlh wa'maH cha': <SuchwI' chaw'>
<html>
<body>
Here's one more chapter to tide you over until I'm back on
schedule.<br><br>
vajar was just finishing a meeting with General qImyal in which he
learned that the *Vigilant* might be disassembled for parts.<br>
<div align="center">112<br><br>
SuchwI' chaw'<br><br>
</div>
meHvo' vajar Dor lagh. vajar buQbe'pu' qImyal Sa'. ra'be'pu', mupbe'pu'
'ach bItmoH. vangchu'be'chugh yaH Duj pagh yaH beq. ngo' Duj 'ach veQ
'oHbe'bej. chobDaq jatlh lagh. ?nuqDaq DaghoS, HoD??<br><br>
jot'eghmoHpu'DI', laghvaD jatlh ?DujwIj lulaghlI'bogh jonwI'pu'Daq
HIqem.?<br><br>
?lu',? jatlh lagh 'ej chobmeyDaq vajar Dev. veng rur may'Duj. chobmeyDaq
chaq vaghmaH nuv juS vajar DorwI' je. loSlogh mevmoH 'avwI'pu' 'ej
ngu''eghnIS. SuchwI' chaw' ghajbe'mo' vajar, pIH 'avwI'pu' 'ach jatlh
lagh, ?ngeH qImyal Sa'.? ghIq ghoS 'e' luchaw'. jonwI' choQ lucholDI'
yapbe'choH DorwI' chaw'. jonwI' choQ 'el vajar net tuch 'ej mejpa'
SuchwI' chaw' Suq 'e' luqap. naDev loSnIS, chaw' qemtaHvIS vay'. jatlh
Dorbogh lagh ?jIloS neHbe' Sa'. HoD DornIS latlh 'avwI'.? ghIq mej.
<br><br>
chaw' loStaHvIS vajar. Hota'ro' legh. pongDaj jatlh, 'a tlhe''eghDI'
jatlh, ?nuqjatlh?? Hota'ro' ghaHbe'. yItDI' rap 'ej rap DaQDaj 'ach *veS*
Sogh ghaH. 'IH.<br><br>
QIj vajar, jatlh ?DeghwI'wI' Darur.?<br><br>
jatlh be', ?toH Hota'ro' ra'wI' SoH, vajar HoD, qar'a'?? lIH'egh be'.
qaH'eng[59] ghaH pongDaj'e'. *veS* jonpIn cha'DIch ghaH. ?qatlh naDev
SoHtaH, HoD?? jatlh. QIjDI' vajar, 'avwI'vaD jatlh, ?vIngoy'. chaw'Daj
DaHevta'DI' HIrI'.? Sogh tlha' vajar. 'op chobmey luveghpu'DI' lojmIt
poSmoH.<br><br>
pa'Daq raS tIq tu'lu'. raS DungDaq tIHmey luHotlhlu'taHmo' chenlaw' Duj
ngeb. vagh 'uj Saw', wa'maH vagh 'uj 'ab, 'ej jav 'uj juch HanDogh joj.
SaH loS nuv. raSDaq QamtaH be' mach. rewbe' Sut tuQtaH. vajar lIH Sogh.
*veS* jonpIn ghaH be' mach'e'. ngaH ponglu'. baS buSbogh loD ghaH latlh
Sogh'e'. Qoreq ponglu'. SaH je cha' ne'pu' 'ach lIHbe'. woch wa'. ror
latlh. chaq SomrawDu' neH ghaq. raSDaq HanDogh laghmeH mIwmey wIvmeH
ghoHlaw' ngaH Qoreq je. jatlhtaHvIS lagh'eghlaw' Duj ngeb 'ej 'ay'mey qel
jonwI'pu'. Doj pojmeH patchaj. Duj naQ rartaHmo' patmey yepnIS laghwI'.
qay'qu'law' peQchem lIngwI' ngaDmoHwI'. pIvghor luchu'Ha'laHchu'pa'
peQchem lungaDnISmoH. Hoch tlhach mu'meychaj yajbe' HoD 'ej lughlaw' Qel:
Hoch be' mu'mey QoylaHbe'. Qu'Daj lubuSbogh jonwI' 'Il'e' ghov. Hagh 'ej
vaqchuq 'ej mIwmey DeltaHvIS Qutqu'.[53]<br>
----<br>
SKI: vajar visits engineering.<br>
----<br>
[53] tIqqu'choH 'ay'meywIj. bepchugh vay' HISovmoH.<br>
[59] My husband named qaH'eng He wanted a U before the A and to put a Z
on the end, and I had to remind him he needed a vowel next to the qaghwI'
(or ?single quote? as he calls it) but it's otherwise as he
dictated.<br>
----<br>
No cliffhanger here, so I trust you can wait a few more days for the
story to continue. And I'm curious whether you can picture the scene in
engineering. I see it in my head and then do my best to explain it in
Klingon, but I don't know what you see. It's not essential to the plot.
At least I don't think it is--I'm still writing--so if it doesn't make
complete sense you can just listen to what the engineering say and get
the idea.<br><br>
- Qov</body>
</html>
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol