tlhIngan-Hol Archive: Wed Dec 21 10:26:21 2011
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' wa'vatlh wa'maH: <not majegh>
<html>
<body>
vajar's crew filled him in on the identity and political power of the
rescue ship's captain, General qImyal.<br><br>
110<br><br>
vajar chol lagh. jatlh ?vajar HoD, Dujatlh neH ra'wI'.? HIpDaj lam lISta'
vajar 'ej lagh tlha'. chobmey tIq lughoS, meHDaq DortaHvIS lagh. Hurgh
meH 'ej pa' vum nuv law'. SuchwI' lubejbe' HochHom 'ach lubejqu'
'avwI'pu'. 'avwI'pu' bejtaH je latlh 'avwI'pu'. quSDaq ba'taH ra'wI'. van
lagh 'ej jatlh ?qImyal Sa'! vajar HoD vIlIH.? van je vajar. <br><br>
vajar nuD qImyal mInDu' ghIq jatlh Sa', ?vajar HoD, DujlIj QonoS vIghaj
'ej DujlIj luchovta' jonwI'ma'. HIja'. DujlIjDaq qaSpu' nuq
jay'??<br><br>
jatlh vajar, ?qImyal Sa', jorpu'mo' nIH HanDogh luj HochHom Duj patmey.
nuHIvta' je weHwI'pu'. batlh Heghpu' jonwI'ma', yaS wa'DIchwI' je 'ej
rIQchoH latlhpu'. nIjtaHmo' bIrmoHmeH taS SuQchoH muD. not majegh. Dunmo'
wo' chetoDpu'neS.?<br><br>
jatlh Sa', ?Sotlaw'Hey wIHev. DalI''a'?? <br><br>
jatlh vajar, ?jogh naQvaD Sot tlhIngan wo' Duj 'e' vImaq vIneHbe'mo'
vIlI'be'. qeng nov.? <br><br>
jatlh Sa' ?bombogh nov ghaH. nuq bop bomvetlh?? bejqu'mo' Sa', Mahoun
bItmoH 'ach jangchu' 'e' nID.<br><br>
jatlh vajar, ?jISovbe'. Sotlaw'vaD vIje' neH.?<br><br>
jatlh Sa', ?nov Daghov'a'?? <br><br>
jatlh vajar, ?vIghovlaw' 'ach mut vIngu'laHbe'.?<br><br>
jatlh Sa', ?jonwI'lI' yIchov.?<br><br>
jatlh vajar, ?vumqu' 'ej nom vanglaw'. jatlhtaHvIS pIj vIyajbe' 'ach jeQ.
Do'Ha' pIj 'ay'mey 'ut SuqlaHbe'mo' Qapchu'be' Duj.?<br><br>
jatlh Sa', ?Dutoy' qu'wI'HomwI', Hota'ro' 'e' vItu'.? <br><br>
jatlh vajar, ?'orwI' po' ghaH, 'a loQ ... Qatlh.? <br><br>
jatlh Sa', ?vISov. mutoy'taHvIS rut po'mo' naDlu' 'ach tojwI' 'ong ghaH.
nuvpu' SIghmeH nep 'ej Qaq. lobtaHmeH rut DabIjqu'nIS. rap bangDaj. QuS.
tIvoqQo'.?<br><br>
quSDajDaq vIH Sa' 'ej jeqqIj, nISwI' je lIS. Qub vajar. tojpu' pagh
neppu' Hota'ro' 'e' tu'be'. yepnIS.<br><br>
jangpa' vajar, jatlh Sa', ?vay' Dapegh'a'? vay' DaSovbogh nop'a'
QonoSlIj?? <br><br>
SIbI' jatlh vajar ?pagh vInoppu', Sa'.? QonoSDajmo' Hem vajar. <br><br>
QumwI' Hot Sa'. jang jonwI'. jatlh Sa', ?tlharghDuj
bolaghchoHta''a'??<br><br>
jatlh jonwI', ?wej, ra'wI', DaH mIw wIwuqlI'.?<br><br>
jatlh Sa', ?maj. vIra'pa' yItaghQo'.?<br><br>
vajarvaD jatlhqa' Sa', ?jonpIn ghaH. QIH'a'mo', Duj tI'meH Qatlh Qu'.
'ay'mey lI' neH DIpollu' net maS.? luHDaj 'uchtaHvIS 'ungya, rurbogh 'oy'
SIQtaH 'e' Qub vajar. 'oy' 'ang'a' qabDaj? vajar bejqu'taH Sa'.
jatlhrupDI' vajar ghop pep Sa'. jatlh ?yIjot'eghmoH, HoD. HoD jIH je. le'
Dujoymeymaj[76], qar'a'? loghDaq raghtaHchugh *Dugh* vIpay.[82] QIt vang
loH. ghaytan latlh Duj DaHevpa' vagh DIS DaloSnIS 'e' DaSov.? Sov vajar.
Duj chu' SuqmeH HoD vay' potlh SovnIS pagh HoHnIS.<br>
----<br>
SKI: General qImyal grills vajar on his crew and ship.<br>
----<br>
[76] Wow, having one two letter suffix in there makes it hard to parse,
doesn't it. Did anyone read Dujoymeymaj correctly on the first pass?<br>
[82] I'm not sure whether Star Trek physics allows things to rust in
space, the General is that ignorant, or she's using a metaphor. I think
the last. *I* know that rusting requires oxygen.</body>
</html>
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol