tlhIngan-Hol Archive: Thu Dec 15 11:29:21 2011
[Date Prev][Date Next][Thread Prev][Thread Next]
Re: [Tlhingan-hol] nuq bop bom: 'ay' wa'vatlh vagh: <yajchuq>
On Wed, Dec 14, 2011 at 10:47 AM, Qov <[email protected]> wrote:
> ...nach jeqwI'Du' DachoH SIqwI'Du'Daj. <jI'IQ. qaSaH.>
Qatlhba' 'anDorngan Hol. muchvam vIbejchugh jIH, ghaytan pImqu' QIn
vIHevbogh: <bIDogh. qavaq.>
> tuQDaj pawDI' lupoltaHvIS tlhInganpu' Huch bajtaHbogh noblu'.
mujunchu' mu'tlheghvam. nuq DaHech?
> "...wa' jaj loD maghmo' maqoch, loD ghImlu'..."
> bIQ tlhutlh je Orson ghIq jatlhchoH. "bIlugh," jatlh "Hujqu' mu'mey 'a loQ
> qech vIyaj." 'anDor Hol jatlh.
qech yajchugh vaj nuq bop bom?
> qeppa' paw vutwI'. ngaSwI' qeng. mer Orson.
'anDornganvaD 'anDorya' Soj qeng 'e' Sovbe''a'? DujvamDaq nom leng joS
'e' vIpIH.
> "Thrxan Shrbatlhylo 'oH pongwIj'e'," jatlh 'anDorngan. mugh Mahoun.
pong'e' mughbe'ba'.
'anDor Hol jatlh Orson. yel Hol jatlhwI'vaD mugh Mahoun. tlhIngan Hol
laDwI'pu'vaD qonlu'. chaq DaHjaj tlhIngan Hol jatlhbe'wI'vaD vImugh.
> "SoHvaD QongDaq tu'."
ghaytan mubqu'be' <tu'>, 'ach ghaytan lughqu' <Sam>. chaq Qap <DoQ>.
-- ghunchu'wI'
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol