tlhIngan-Hol Archive: Sun Dec 11 07:13:23 2011
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' wa'vatlh cha': <toywI''a' yIngu'>
A session between Mahoun and his security and science officers was
interrupted by a call from the bridge.
102
jatlh QumpIn, "DurI'ta' DIvI' qughDuj *Trigraph*[69]. toy'wI''a' boplaw'."
monHa' Mahoun. reH nIStaH yuQjIjQa'nganpu', DIbvetlh
lughajbe'bejtaHvIS. QeDpInvaD QumwI' nobHa' Mahoun 'ej HungpInvaD
jatlh "jIHvaD qa'meH yISuq."
meH ghoS. DIvI' qughDuj rI'. Human be' ghaH 'oSwI''e'. lIH'eghta' 'ej
muD Dotlh luqelpu'DI', jatlh Human, "Mahoun HoD, yelwIyyItngan
toy'wI''a' wItoDta'. SalIH vIneH."
mej neH Mahoun 'ach vID Mahoun 'e' wuqchugh 'oSwI', DIvI' tetlhDaq
pongDaq tu'lu' 'ej SuyvaD QaQbe' ghu'vetlh. mej 'e' mIm. ghom 'e' lunab.
jolpa' ghoStaHvIS ja'chuq jeSbogh yaSpu'. toy'wI''a' lughajbej'a'
Humanpu'? nuqDaq toy'wI''a'vetlh Suq DIvI'? Mahoun pum'a'? toj'a'
DIvI'? ghu' lupojtaHvIS QumwI' boQ legh Mahoun. vagh wen novpu'
toy'wI''a' ghaHpu'. "Inaq," jatlh Mahoun, "yelwIyyIt toy'wI''a'Hey
ghaj DIvI'. nuq ta' 'e' DaHar?"
jatlh beq Qup, "muHIjpu' DIvI'. not toy'wI''a' lulIghchaj vISIQqa' vIneH."
"Inaq, not Dangevqa'lu'. pIQan," jatlh HoD. latlhpu'vaD jatlh "Ha'!
DIvI'vo' toy'wI''a'vam wItoD."
Qol HoD, HungpIn, chutpIn je. DIvI' 'oSwI' luqIH. yaSpu'Daj lIH
Mahoun. <'u'vaD mughwI'> jan lulo'ba' Humanpu'. QIj Human, "weHwI'
Dujvo' yelwIyyItngan toy'wI''a' wItoD. toy'wI''a' tuchbogh mab'e'
luqI'be'ta'mo' yelwIyyItnganpu', weHwI'vetlh DIbIjlaHbe'pu'.
puqpu'ra' boQanmeH mab qI'nIS qumraj. lulIghDaq loDHomvam wIHIjlI'.
mabvetlh jeSbe'wI'vaD toy'wI''a' tlhab wIQay net tuch, 'a Sotqu'
ghaH. tlhoS jatlhQo'. boQaHmeH chaq chutvetlh wIjunlaH."
vay' rI'taHvIS 'oSwI', bejchuq Mahoun chutpIn je. tojlaw'lI'. jatlh
Human, "DaH qemlI'."
tugh paw 'anDorngan loDHey tlhejbogh Human loD. "Orson yIqIH," jatlh
Human loD. yelwIyyIttngan ghaHbe'ba' SIbI' 'e' lughovlaH Hoch
yelwIyyItnganpu'. SuD ghaH 'ej ghaH woch law' yelwIyyItngan woch rap
'ach pIm qab, pIw je. bItba'. loD rur 'ach be'pu' loDpu' je chaHbe'
'anDorya'nganpu'. Than[60] ghaH 'ej cha'maH ben boghpu' 'e' noH
Mahoun. 'anDorngan nach jeqwI'Du' Hutlhmo', mut lungu'Ha'pu' Humanpu'
QIp. 'anDor pong 'oHbe' Orson'e'.
----
SKI: Some humans think that Mahoun can help what they have identified
as a Yelwitian slave.
----
[60] I was about to have Mahoun give the slaveHey chocolate, but some
instinct told me to check if that was okay for Andorians. Google says
no, and has this additional information on their biology:
http://memory-beta.wikia.com/wiki/Andorian
[69] In universe, the ship is named after the three letter
combination UFP. Thank you tlhngan-Hol listserver combatants for your
inspiration.
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol