tlhIngan-Hol Archive: Wed Dec 07 06:24:58 2011
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' HutmaH chorgh: <pelaQ ghorpa'>
I'm doing something I haven't done since the first 'ay''a' - changing
the point of view character in the middle. It should be pretty clear
that we've moved from 'eSSIm's point of view to Mahoun's, but I'll
tell you anyway.
Mahoun has just been beamed up to his ship, frustrating 'eSSIm's
attempt to skewer him.
98
Mahoun DechchoHDI' jolpa' 'ej QeDpIn, Hung yaS je qabDu' leghDI'
Quchqu'choH. jatlh "chay' Seng vISIQ 'e' boSov? SulughtaH. Qob
tlhIngan. muHoHlI'."
jatlh QeDpIn, "DuHoHlI' banglI'?"
jatlh Mahoun, "DaH bangwI' ghaHbe'. DaH muHoHrupqu'wI' ghaH."
jatlh HungpIn, "pIghochtaHvIS pay' loj QumwI'lIj 'ej yInroHlIj
wIleghDI' bISotba'mo' qajol."
mon Mahoun. jatlh, "jaS qaSlaH. nuch jIHbe'chugh jIHeghpu'. wanI'
vIQIjchu' yopwaH Say' vItuQmoHpu'DI'." pa'Daj ghoS ghIq QeDpIn pa'Daq
ghom HoD, QeDpIn, HungpIn je. bIQ ngaSbogh HIvje' tIn Suq HoD 'ej wanI'mey Del.
"vaj chay' tlhIngan Hol DajatlhlaHchu'?" jatlh HungpIn. "SoHvaD
yap'a' wa' jar? DuSaQDaq qaStaHvIS vagh DIS DIvI' Hol vIHaDtaH 'ach
Human vIqIHchugh ghaytan bong vItIch."
jatlh Mahoun, "Do', bong Human DatIchchugh DuHoHbe'."
"yIjang. ghelDI' vay' yIjunQo'. chay' Daghojta'?" jatlh QeDpIn.
"vIjun'a'?" jatlh Mahoun.
"DaH chojunqa'," jatlh QeDpIn.
"DaH jIvIt," jatlh Mahoun. "vISovbe'chu'. bIghHa'Daq vIweghlu'.
tlhIngan Hol vIghojlaw'pu'. mu'mey puS vISov 'e' vIHar 'ach Hol
vIjatlhchoHDI' vIjatlhlaH. pagh vIpegh 'e' vIlay'. HIHoHneSQo'."
jatlh QeDpIn "nuqjatlh?"
jatlh Mahoun. "jIqID neH."
jatlh QeDpIn "'a nuq Dajatlh? mu'mey Qav DajatlhtaHvIS tlhIngan Hol
Dalo'." mugh Mahoun ghIq tamchoH.
"chaq tlhIngan ghoqwI' SoH," jatlh HungpIn. Mahoun QeDpIn qabDu'
leghDI' jatlh, "jIqID neH!"
HungpInvaD jatlh Mahoun, "muwegh tlhInganpu' 'e' DaSov'a'?"
jatlh HungpIn, "joSmey vIQoy. meHDaq bIbomtaHvIS DeSDu'lIj Da'ang 'ej
bIHDaq ghItlhpu' tlhIngan joy'wI'pu', qar'a'?"
jatlh Mahoun, "vIjoy'be'lu'. muvormeH tlhIngan DIr ngeb lo' tlhIngan
Qel. yabwIj SIghlaH'a'?"
SIbI' jatlh QeDpIn, "ghobe'. jaS Qap Hol. QoghIjDaq Hol lanlaH
tlhIngan QI' net ja', 'ach bong DIrmo' qaSbe'bej."
"chaq yabwIj SIgh jan lulo'pu'bogh," jatlh Mahoun. Saghqu' jatlh
"Mossam, Rolyou, tlhIngan bIghHa' bopbogh lut'e' bo'Ijqang'a'? "
---
SKI: Mahoun changes his pants then confesses to his officers that he
doesn't know why he speaks Klingon.
---
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol
![[KLI Member]](/pics/KLImemberbutton.gif "[KLI Member]"){kind=small}
![[Hol po'wI']](/pics/level3_big.png "[Hol po'wI']"){kind=small}