tlhIngan-Hol Archive: Fri Aug 19 08:50:49 2011
[Date Prev][Date Next][Thread Prev][Thread Next]
Re: mu'mey chu': ngIq
- From: "David Trimboli" <[email protected]>
- Subject: Re: mu'mey chu': ngIq
- Date: Fri, 19 Aug 2011 11:32:04 -0400
- Importance: Normal
- In-reply-to: <CAFK8js3o-qN7C55BpHmdypSSj02W1zRFbE=eRDEsD4mHdQZgcA@mail.gmail.com>
- References: <CAFK8js3o-qN7C55BpHmdypSSj02W1zRFbE=eRDEsD4mHdQZgcA@mail.gmail.com>
'eybe'bogh mu'tlheghmeylIj vIyajbe'. yIQIjchu'. "Current, not previous (n)"?
SuStel
-----Original Message-----
From: ghunchu'wI' 'utlh
Sent: Friday, August 19, 2011 12:26 AM
To: [email protected]
Subject: mu'mey chu': ngIq
ghe'naQ <'u'> bom mu'mey DIlaD 'ej DIchov.
ghItlhDaq 'op mu'mey DISovpu'be'bogh DItu'.
Soch mu' ghaj tetlh vIgherbogh.
naDev wa' DIp vImuch: <ngIq>
Qatlh mu'vam. loQ <Hoch> rur.
cha' lo' chovnatlh DIlegh.
wa' Doch nungchugh, le'chu' Dochvetlh. rurbogh latlh tu'lu'be'.
<nqIq voDleH wItoy'.>
wa' voDleH neH tu'lu'. ghaH wItoy'.
Doch law' nungchugh, ghu' rap SIQ Hoch Doch, pagh ta' rap ta' Hoch Doch,
'ach quqbe'.
le' Hoch Doch. SIQ/vang wa' ghIq SIQ/vang latlh ghIq SIQ/vang latlh...
<ngIq paqmey vIlaD.>
paq wa'DIch vIlaD. vIlaDta'DI', paq veb vIlaD. tagha' paq Qav vIlaD. reH wa'
paq neH vIlaDlI'.
<lomDaq tuy' ngIq SuvwI'pu'.>
tlheghDaq Qam SuvwI'pu'. Duv SuvwI' wa'DIch 'ej tuy'. mej. Duv SuvwI' veD
'ej tuy'. mej. not tuy' cha' SuvwI'pu' quq.
mobchugh <ngIq>, wa' le'chu'wI' 'oS 'e' vIloy, 'ach DIch vIghajlaHbe'.
-- ghunchu'wI'