tlhIngan-Hol Archive: Tue Aug 02 15:48:00 2011
[Date Prev][Date Next][Thread Prev][Thread Next]
Re: be'nalwI' yaDDu'
Daj lutvetlh 'ej bI'ongmo' peghmeylIj Da'angbe' tlhIngan Hol neH
Dalo'mo'. yaD mu' lo'meH 'eb Dajonmo' jIQuch.
wa' Doch vISIvtaH ,,, Sev'a' I would read to be a cast, or something
else like a bandage but of a greater order of magnitude. Sev'a'na'
Dateq'a' pagh chaq Sev tIn Dateq?
How would you distinguish the two?
Sent from a mobile device through a temporary connection.
On 2011-08-02, at 12:49, "lojmIt tI'wI' nuv"
<[email protected]> wrote:
> qaStaHvIS DISmey 'Iq be'nalwI' yaDpachDu'Daq 'atlhqam tu'lu'.
> yaDpach jeDmoH HurghmoH je 'atlhqamvam.
>
> vormeH mIw chu' 'ogh Qel. 'uD'a' lo'. reH vorlu' 'e' maq Qel. lay'.
>
> mIwvam laj be'nalwI' 'e' wuq. wagh. cha'SaD DeQmey je'nISlu'.
>
> vaj loSHu' be'nalwI' vItlhej. Qel yaHDaq benalwI' ba'moH. raSHomDaq
> yaDDu' lan be'nalwI'. yaDDu'Daj leghlaHbe'meH yoDHey lan Qel.
> yaDDu'Daj leghlaHbe' be'nalwI', 'ach vIleghlaH jIH. jIratlh 'e' chup
> Qel. qeSvam vIlajQo' DaH 'e' vImaS, 'ach jIlaj. Do'Ha'.
>
> HomwI'Daq roSwI'Daq nanwI'Daq Qay'wI'Daq je yaD DuQ HerghwI'
> cha'logh. marwI'Daq DuQ loSlogh. DuQDI' SaSHa'qu'. DuQmo' regh. Qel
> vIqIp vIneHchoH.
>
> vumchoHmeH Hergh wIloS.
>
> yaDpach HeHmeyDaq yuv Qel. yaDpach 'oQqar 'emDaq yuv Qel. pach teq.
> be'nalwI'vaD jItamtaH, 'ach Qel vIqIpchu' vIneH. jItamtaHvIS
> jIropchoH. jIrop 'e' Sov jIH neH. peghvam vISo'taH.
>
> Hoch yaDpach teqta'DI' 'uD'a' lo'. Hoch 'atlhqam HoHmeH lo'. Sev'a'
> lan.
>
> qaStaHvIS wej jaj yItbe' be'nalwI' 'e' qeS Qel. tlhoy tInchoH
> yaDDu'Daj 'ej tlhoy 'oy'choH yaDDu'Daj 'e' junmeH jennIStaH
> qamDu'Daj. mul be'nalwI', 'ach qaStaHvIS wej jaj jImulchu'taH. SID
> QaQ ghaH 'e' vIra'taH.
>
> wa'Hu' cha' Sev'a' vIteqnIS 'ej wa'maH SevHommey vIjomnIS. QIt
> jIvangnISchu'mo' cha' rep poQ Qu'vam. qaStaHvIS ramjep Qu'vam
> vIta'taH.
>
> vaj DaHjaj jIDoy' 'ej Doy' je tIqwIj. Qelvam vIpar. QaQchugh Qelvam
> Sev'a' teq Qel. teqbe'mo', Dojbe'. be'nalwI' bechmoHmo' vIparqu'.
> chaq yaDDu' vor 'ej be'nalwI' QuchmoH ngoDvam, 'ach DaH jIQuchbe'.
>
> ghaytan qaStaHvIS DIS bID cheghtaH yaDpachDu'.
>
> yoH be'nalwI'. bech, 'ach batlh bepQo'.
>
> pItlh.
> lojmIt tI'wI' nuv
>
>
>
>
>
>