tlhIngan-Hol Archive: Fri Jun 27 12:45:16 2008
[Date Prev][Date Next][Thread Prev][Thread Next]
lopno'
- From: "ghunchu'wI' 'utlh" <[email protected]>
- Subject: lopno'
- Date: Fri, 27 Jun 2008 15:43:18 -0400
SochHu' qaS lopno'.
Hoch DIS ghom SoSnI'wI' vav tuqnIghpu'. vengmey SarDaq qaS. rut Florida-Daq
loH tennuSwI'. rut Texas-Daq loH vIn. rut Ohio-Daq loH vavwI' lor. wa'logh
Las Vegas Such tuq (DISvetlh pa' qaS je qep'a' javDIch).
DISvam vengDaq vIDabbogh lopno' cher vavwI' SoSwI' je. nuSuch loSmaH nuv.
Dun muD Dotlh. wej jaj wanI' tIv Hoch jeSwI'pu'. qaStaHvIS vagh ram
juHwIjDaq Qong tennuSwI' qorDu'. QongmeH pa' wIghIHHa'nISmoHmo' mabechpu'
'ach mebmeyvam DISIQmo' maQuch.
lopno'mo' Chicago-vo' ghoS be'nI'wI' qorDu': be'nI'wI', loDnalDaj, cha'
puqbe'pu'chaj, wa' puqloDchaj je. Dach latlh puqloDchaj. rInDI' lopno', mej
be'nI'wI' loDnalDaj je. SoSwI' juHDaq ratlh wej puqpu'. qaStaHvIS Hogh ghIQ
chaH SoSnI'chaj je. rut juHwIj Such 'ej reH. (latlh QInDaq reHmeH jan
luqempu'bogh vIDel.)
wa'Hu' ram chaH Suqqa' SoSchaj. DaH tagha' leSlaH SoSnI'chaj.
-- ghunchu'wI'