tlhIngan-Hol Archive: Fri Jan 04 21:17:09 2008

Back to archive top level

To this year's listing

• Index by Date
• Index by Thread
• Index by Author

qID chu' vIghojpu'.

Doq ([email protected])

• From: Doq <[email protected]>
• Subject: qID chu' vIghojpu'.
• Date: Sat, 5 Jan 2008 00:14:21 -0500
• Authentication-results: smtp08.embarq.synacor.com [email protected]; spf=neutral
• Authentication-results: smtp08.embarq.synacor.com [email protected]; auth=pass (LOGIN)
• X_cmae_category: 0,0 Undefined,Undefined

nom Hatlh He'Daq puHDuj 'or vengngan. leng. nom ghoSlaHmo' DujDaj,  
'eDjen ghaH.

pay' 'o'vo' 'etDaq DujDaj juSchu' cha'bIp. cha'bIp qammo' lamchoH muD.  
muD lammo', lamchoH DujDaj. moghchoH.

cha'bIp juSmeH, chung, 'ach Qu'vam ta'laHbe'. chollaH, 'ach not  
cholchoHchu'. loQ cholta'DI', cha'bIp nuD. merchu' ghu'.

wej 'uS ghaj cha'bIpvam.

nom Du' yotlhDaq tlhe' cha'bIpvam. nom ghoSqu'mo' Duj, tlhe'laHbe'.  
QIt mev. Du'Daq chegh.

merqa' ghu'. Du'Daq Dat qetchu' wej 'uS ghajbogh cha'bIpmey law''e'.  
Doj Dochaj.

DujDajvo' Du' juHDaq ghoSmeH yIt. wejlogh lojmIt qIp. rI'.

chol Du'ngan. jatlh <<nuqneH!>>

jatlh vengngan <<cha'bIpmeyvam lut 'oH nuq'e'? wej 'uS ghaj! yIQIj!>>

QIt jatlh Du'ngan <<jISopmeH, 'uS vImaS. SopmeH be'nalwI', 'uS maS.  
SopmeH puqloDwI', 'uS maS.>>

ngoDvam qel vengngan. Qub. jatlh <<toH, 'ey'a'?>>

tlhob Du'ngan. jatlh <<jISovbe'. wej wa' vIjonta'.>>



pItlh.

[qIDvam Dayajbe'chugh, jInIDqa':]

tlhob Du'ngan. jatlh <<jISovbe'. not wa' vIjonta'.>>

mu' <<wej>> tlhaQ law' mu' <<not>> tlhaQ puS, 'ach mu' <<wej>>  
yajHa'luH. mI' 'oHbe'.

Doq

• Prev by Date: Re: intransitive vs. indefinite object
• Next by Date: latlh qID vIjatlh.
• Previous by thread: {-lu'} vs {-moH}
• Next by thread: latlh qID vIjatlh.
• Index(es):
  • Date
  • Thread
  • Author

Back to archive top level