tlhIngan-Hol Archive: Sat Oct 27 10:57:09 2007

Back to archive top level

To this year's listing

• Index by Date
• Index by Thread
• Index by Author

Hoq QonoS: Friday

Alan Anderson ([email protected])

• From: Alan Anderson <[email protected]>
• Subject: Hoq QonoS: Friday
• Date: Sat, 27 Oct 2007 13:55:49 -0400

Hoq QonoS: Friday

DaHjaj chal luwaQchu' 'engmey.  qaStaHvIS po loQ SIStaH.  SIS 'e'  
mevDI' yIQtaH muD.  be'nalwI'vaD bIrlaw' SuS.  jIHvaD yIQ neH 'ej  
mutujbe'moHbe'.

pov Sep reHmeH mIch Sum wIghoS.  bIQ HeHDaq mayIt.  yu'egh lIgh  
nuvpu' 'e' wIlegh.  Sop ghommey 'e' wIlegh.  Sep tIQ tI 'oSbogh He'e'  
wIghoS.  Spider jum DItu'.  He retlhDaq vIHtaH wa' Sar.  mach 'ej  
SuD.  'er'InDaq wewlaw' cha' mIchHommey Doqqu'.  ghew von neHba'  
latlh.  rut He waQ SIrghmeyDaj.  chIS porghDaj 'ej jeq jav DuQwI' Doq.
cha' http://img.timeinc.net/popsci/images/medicine/med0502spider_A.jpg

'uQHom wISop.  Friday choS tagh lalDanmaj leSjaj, 'ej roD ngugh  
chIrgh jaH pabwI'.  veng SumDaq chIrgh wIjaH.  qaStaHvIS tay botlh  
SISqu' 'e' wIQoy.  maq ghojmoHwI': rInDI' qepmaj, rInbej je muD Dotlh  
yIQ.  lugh ghaH!  rIntaHvIS tay, SISbe'choH.  ghIq latlh qachDaq  
ja'chuq jeSwI'pu' 'ej ghem tIv Hoch.  tagha' juHDaq wIchegh.  Qongrup  
be'nalwI' 'ej QongDaq pa' HurghmoH.  TV vIbej jIH:  _Harry Potter,  
peghmey pa' je_.  wejlogh Qoylu'pu' QongDaqDaq jIQotchoH.

-- ghunchu'wI'

• Prev by Date: Re: Hov
• Next by Date: RE: Hov
• Previous by thread: Re: Klingon WOTD: motlh (verb)
• Next by thread: Klingon WOTD: DevwI' (noun)
• Index(es):
  • Date
  • Thread
  • Author

Back to archive top level