tlhIngan-Hol Archive: Wed Oct 03 17:54:56 2007
[Date Prev][Date Next][Thread Prev][Thread Next]
loQ jIghIQta' 'ej tugh jIghIQqa'
- From: Doq <[email protected]>
- Subject: loQ jIghIQta' 'ej tugh jIghIQqa'
- Date: Wed, 3 Oct 2007 20:53:59 -0400
- Authentication-results: smtp09.embarq.synacor.com [email protected]; spf=neutral
- Authentication-results: smtp09.embarq.synacor.com [email protected]; auth=pass (LOGIN)
- X_cmae_category: 0,0 Undefined,Undefined
jav Hu' jIghIQchoH. wej Hu' jImev. jup vIghom 'ej Columbus, Ohio wIghoS.
chal Duj le' vISam. P-vaghmaH wa' Mustang vISam. wa' vatlh Dujvam
vISuch. le'qu' wanI'vam.
cha' P-wejmaH chorgh Lightning vIlegh je. qo' naQDaq, puvlaH wej
Dujvam neH.
wa' P-javmaH wej King Cobra vIlegh je. qo' naQDaq puvlaH wej Dujvam neH.
wa' Brittish Lansing bomber vIlegh je. qo' naQDaq puvlaH cha' Dujvam
neH.
wa' B-wa'maH Soch <<puvtaHbogh Fortress>> vIlegh, 'ej vI'el. 'et
vI'el 'ej 'o' vI'elHa'.
cha' Mitchell B-cha'maH vagh vIlegh.
'IHchu' P-vaghmaH wa'. puvchu'. Ha'DIbaH HoS rur ghoghDaj.
chal Duj chu' vIlegh je. puvchu' Thunderbirds. (ghom jav F-wa'maH
jav. puvchu'.)
F-wa'maH vagh vIlegh. nom DungDaq ghoS.
F-cha'maH cha' vIlegh. Dojqu'. puvmeH mIwDaj vIDellaHbe'. mu'mey yap
vIHutlh.
B-cha' <<So'eghlaHbogh bomber>> vIlegh. puvtaH. SaqQo'.
puvtaHvIS C-vagh vIlegh. ghIq Saq. poSchoH 'et 'o' je. vIvegh.
tInqu'. Dujvam tIn law' juHwIj tIn puS. rutlhmey law' ghaj.
B-vaghmaH cha' vIlegh. vIleghtaHvIS puvbe', 'ach poS chaghmeH
lojmItmey. Doj.
wa'leS jIghIQqa'. paq polwI'pu' wIghom. be'nal vItlhejmo' Quch
be'nal. qaStaHvIS loS jaj Qu'wIjmey vIbuSHa'nIS.
'a potlhqu' wa' Qu': be'nalwI' vIQuchmoHtaH vIneH. QuchDI' muje'chu'.
jISop 'e' vItIvqu', vaj QuchDI' be'nalwI', jIQuch je.
Doq