tlhIngan-Hol Archive: Mon Jul 30 20:41:45 2007

Back to archive top level

To this year's listing

• Index by Date
• Index by Thread
• Index by Author

rIntaH qep'a' wa'maH loSDIch

Alan Anderson ([email protected])

• From: Alan Anderson <[email protected]>
• Subject: rIntaH qep'a' wa'maH loSDIch
• Date: Mon, 30 Jul 2007 23:37:43 -0400

Saturday ram qep'a' jeSwI'pu' vIvan.
mebpa'Daq puqwI' vIghom.
'eqqu' tlheDnISghachmaj.
maQongbe'.
loSlogh Qoylu'pu'DI' mebpa' wImej.
Qapbe'lI'mo' mebpa'mey De'wI', loQ maloSnIS.
tagha' maHuq 'ej Qaplaw' Hoch.
Duj verghDaq lupwI' wIlIgh.
paSbe' Duj.  qetlh leng.
qughtaHvIS Duj loQ jIDum.
Atlanta-Daq Saq Duj wIlIghbogh 'ej latlh Duj wItIjnIS.
puvchoHDI' Duj cha'DIch loQ paS 'ach SaqDI' paSbe'.

Qapchu' jey vInabta'bogh.
juH wIjaH.  maSay'eghmoH.  manoS.
muchvaD Da be'nalwI'.  molwI' be'nal Da.
much wIbejmeH nom mamejqa'.
much vItIvqu'.  po' be'nalwI'.
Doj Hoch beq.  (povHa' wa' DawI' QIch 'ach ram.)

rInDI' much juHDaq jIchegh.
wa'maH chorgh vatlh rep jIQongchoH.
ramjep jIvem 'ej tagha' maja'chuq jIH be'nalwI' je.
DaHjaj po yaHwI' vIjaH.  va, not jImejpu' 'e' rur.

DaH juHwIjDaq jIQaD.
wa'leS Florida-Daq ghIQchoH be'nalwI' SoSDaj je.

chaq tugh qep'a''e' vIDel.

-- ghunchu'wI'

• Follow-Ups:
  • Re: rIntaH qep'a' wa'maH loSDIch
    • From: Robyn Stewart <[email protected]>

• Prev by Date: Avoid enhancement pills
• Next by Date: Re: qep'a'vo' jIchegh
• Previous by thread: juHlIjDaq jolqu' Hov leng: DIS wa'DIch HD DVD/DVD tlhoQ.
• Next by thread: Re: rIntaH qep'a' wa'maH loSDIch
• Index(es):
  • Date
  • Thread
  • Author

Back to archive top level