tlhIngan-Hol Archive: Thu Jan 11 07:49:39 2007
[Date Prev][Date Next][Thread Prev][Thread Next]
Re: <<Zelda: choS voDleH puqbe'>> vIQujlI'.
- From: Doq <[email protected]>
- Subject: Re: <<Zelda: choS voDleH puqbe'>> vIQujlI'.
- Date: Thu, 11 Jan 2007 10:48:34 -0500 (EST)
- Domainkey-signature: a=rsa-sha1; q=dns; c=nofws; s=dk20050327; d=earthlink.net; b=KKP7cZ3Z3uKgRwu4Im9iqXRfQYGA/smAme7XVN3uCOkvobc08PLFOIk02QL8Bvtl; h=Message-ID:Date:From:Reply-To:To:Subject:Mime-Version:Content-Type:Content-Transfer-Encoding:X-Mailer:X-ELNK-Trace:X-Originating-IP;
wa'Hu' mughato' tlhuQ Doq vIqIpqa'chu'. vaj cheghbogh chuHmeH naQ le' vISuq. lI'qu'. naQjej motlh 'oHbe'. naQjej DachuHDI', DoS DuQ 'ej DoSDaq ratlh naQjej. cha' 'etlhmey lumuvlu'ta'bogh rur janvam le'. meyrI' bID rur (wa' tajvaj ghaj). vIchuHDI', ghoStaHvIS DingtaH. DoS qIp 'ej vIHtaH naQ 'ej DingtaH. cheghDI' naQ, DoS muqem. QujDaq toQ Da naQvam, 'ach toQ vIra'meH, naH le' vISamnIS. naQvam vIqenglaHmo', reH vIlo'laHtaH. wa' DoS qIplaH toQ. vagh DoS qIplaH naQvam.
jIQujtaHvIS loQ jIQIpchoH. tIq 'ay' cha'DIchwIj vISuqmeH naH naS vIHoH 'e' vInID. vIHoHmeH, naHvam vIje'nIS (jorbogh Soj vIlo'nIS). Soj muj vIwIv. DoSDaq tlhoy Hop jorwI'. naH naS vIje'laHpa', Soj vIqengtaHvIS, jor. batlhHa' wejlogh jIHegh. Sumbogh latlh vItu' 'ej ngeD jaghvam vIHoHmeH Qu'. tIq 'ay' cha'DIch vISuq.
chorgh mughato'Hom vItoD 'e' poQ ngem chIrgh Qu'. jav mughato'Hom vItoDta'. chegh be'nalwI' 'ej jIQuj 'e' vImevnIS. jIHvaD loSlI' cha' mughato'Hom.
Doq