tlhIngan-Hol Archive: Thu Dec 27 00:07:40 2007

Back to archive top level

To this year's listing



[Date Prev][Date Next][Thread Prev][Thread Next]

jIqab :)

qa'vaj ([email protected])



--
pa' botlhDaq ba' tlhIngan loD. quSDaq ba'. *Qan 'oH pongDaj'e'.  *QanDaq Sum
cha' tlhIngan 'avwI'.  *Qan lu'av.  betleH 'uch Hoch 'avwI'.
pa'vam 'el tlhIngan Duy potlh.  qaStaHvIS poH ngajqu' *Qan nuD Duy. ghIq pa'
reD ghoS.  pa' reDDaq nuH law' tu'lu'.  pa' reDDaq nuHmeyvam nuDtaHvIS Duy
*QanvaD jatlh.  <<De' potlh vInej.  ngoDvam DaSovchu' 'e' vIHar, *Qan>>
jatlh.

pa' reDvo' betleHDaj jotlh Duy.  *Qan ghos.  *QanvaD jatlhtaH.  jatlh
<<latlh vIHar.  De' vInejbogh DaSov je 'e' vIHar.  chaq jIHvaD De'vam
Da'angchugh bIyIntaH.>>

DuyvaD jatlh *Qan. jatlh <<De' potlh Danej 'e' vISov. 'a De' Danejbogh
vISovbe'chu'.  vaj SoHvaD vI'angba'laHbe'>>

<<Do'Ha'.  DaH chay' bIyIntaH?>> jatlh Duy.

<<De' Danejbogh vISovbe'.  'a De' Danejbogh bop wa' ngoD 'e' vISov>> jatlh
*Qan.

<<ngoDvam yI'ang!>> jatlh Duy.

<<De' Danejbogh Sov wa' loD net Sov>> jatlh *Qan.

<<net Sov'a'? net Sov'a'? ngoDvam vISovbe' jIH. loDvam yIngu'!>> jatlh Duy.

<<pongDaj vISovbe'. qab vIghovlaHbe'.  'a loDvam Dangu'laH.  De' Danejbogh
Sov chom ghaHbogh HoD'e'>> jatlh *Qan.

(lut poHvam, naDev SubejnIS: )
http://www.youtube.com/watch?v=rfh4Mhp-a6U

<<chom ghaHbogh HoD'e' vISamnIS'a'>> jatlh Duy.

<<HIja'.  chom ghaHbogh HoD'e' Datu'pu'DI' De'lIj Sovbogh loD'e' Datu'pu'>>
jatlh *Qan.

<<teH'a' ngoDvam>> jatlh Duy.

<<teH>> jatlh *Qan.

<<Hmmmm.  nItebHa' Suv vavlI' vavwI' je. Batlh Suv vavlI' net Sov.
qaHarqang. qatlhabmoH. bItlhab. naDevvo' DaghoSlaH.  yIghoS!>> jalth Duy
potlh.

pa'vo' ghoS *Qan.  qaspu'DI' poH ngaj ghoS je 'avwI'pu'.  pa' reDDaq ghosqa'
Duy.  nuH law' nuD.  pa' reDDaq betleHDaj lanrup.  pay' mev.  nom tlhe'.

jach Duy.  <<yImev! yImev!>> jatlh.
jachtaH.  <<chom vIyu'nIS pagh HoD vIyu'nIS.  jISovbe!  jISovbe!>> jatlh.

rav'eq bejchoH Duy. jach. <<Qaaaaaaaaaaaaaaaaaaaaaaaaaaan!> jatlh.


-- 
qa'vaj
qo'lIj DachenmoHtaH






Back to archive top level