tlhIngan-Hol Archive: Sun Dec 09 16:00:50 2007

Back to archive top level

To this year's listing



[Date Prev][Date Next][Thread Prev][Thread Next]

HoqHom Daj

qa'vaj (darqang99@gmail.com)



HoqHom Daj wIruchta'. nItebHa' bey DIjach Ha'DIbaH maH je.
juHmajDaq Sum Ha'DIbaH QanmeH yoSHom.  wa' Ha'DIbaH Segh neH qel yoSHomvam.
Tera' Ha'DIbaH Segh <<wol'Iv>> Qan.

qaStaHvIS ram, <<wol'Iv>> QanmeH yoSHom wISuch be'nalwI', puqbe'wI',
puqbe'wI' jup, jIH je.

QanmeH yoSHomDaq mapawDI' HurDaq maghom.  jeS je latlh Humanpu' puS.

bIr ramvam.  qul chenmoHlu'.  qul retlhDaq maba' taghtaHvIS HoqHommaj.

qul retlhDaq maba'taHvIS <<wol'Iv>> lutmey, <<wol'Iv>> ngoDmey je nuja'
yoSHom pInpu'.

rInDI' pInpu' SoQHommey mayIt.

chuq run 'abmo' lengHommaj mayItnIS. qaStaHvIS poH ngaj HeHomDaq maleng.

ghIq mayItbe'. maQam.  matamchu'. ma'Ij.

bey DIQoy.  bey jachDI' wa' <<wol'Iv>>, beymey jach latlh <<wol'Iv>>-mey.

loS <<wol'Iv>> Segh ghaj QanmeH yoSHomvam. pIm Hoch Segh bey.

motlh Hoch loS Segh bey QoylaHbe' jeSwI'pu'. 'a maDo'. Hoch loS Segh bey
DIQoy.

qaSpu'DI' poH puS bey jachtaHbe' <<wol'Iv>>.  ma'Ijqu'. tam ram.

ngugh bey jach Humanpu' 'e' luchaw' yoSHom pInpu'.

nujmajDaq ghopDu'maj DIghommoH. pe'vIl bey DIjach 'ej DIjachqa'.

maHvaD bey jachqa' <<wol'Iv>>-mey.  nItebHa' bey DIjach <<wol'Iv>>-mey maH
je.

jItlhum.


-- 
qa'vaj
qo'lIj DachenmoHtaH






Back to archive top level