tlhIngan-Hol Archive: Tue Aug 07 13:29:00 2007

Back to archive top level

To this year's listing

[Date Prev][Date Next][Thread Prev][Thread Next]

qep'a' wa'maH loSDIch - Saturday`

Alan Anderson ([email protected])

From: Alan Anderson <[email protected]>
Subject: qep'a' wa'maH loSDIch - Saturday`
Date: Tue, 7 Aug 2007 16:28:15 -0400

jIvem. jIHu'. jISay'choH.
jIHvaD tagh qep'a' jaj Qav.
juppu' vIghommeH mebpa'mey vaS vIghoS.

maSop. majaw.
Phoenix-Daq paw'pu'bogh Dujmey DIqIm.
wanI'vetlh lururbogh latlh DIqel.
nuSuch Arika ghuDaj je.

megh wISoprupDI' Denny's vIghuHmoH.
wa'maH jav maH.
loQ nulajbeHbe' 'ej raS law'Daq maba'nIS.
Qanqor nuQtaH 'angghal 'e' nID.
'ochHom nav bach 'ej motlh 'ISqu' qIp.

qaDHom cha' wISIQ.
tlhaQqu' lutmey.
wa' lutDaq law'choH targh le'.
latlhDaq <Quch Quch> tach wISuchqa'.
HIch mojlaw' HoSDo' 'er'In.
Qa' jonlu'meH mIw vIQIj (chapwIj bop).

bom chu' vIqonta'bogh vImuch.

'eq pizza.
'eqqu'.
wa'maH Hut vatlh rep paw net nab.
wa'maH chorgh vatlh rep paw.
ngugh wISoprupbe'.
maloSchugh tujHa'choH.
Sutlh pizza HIjwI', 'angghal je.
Seng vIbuSHa'.
tujtaH pizza 'e' vISaHbe'.
pizza bIr vItIvlaH.

<tera'ngan> HaSta jabbI'ID wIbej.
vIleghpu' 'ach pImlaw' chovnatlhvam.
jatlh Holtej puqloD 'e' vIqawbe'.
bom r'Hul 'e' vIqaw, 'ach qaSbe'.

Qujqa'qu' Munchkin ngotlhwI'pu'.
ramjep pay' mon Qov 'ej DIvI' Hol jatlhchoH.
DaH ja'chuqlaHchu' ghaH Marc Okrand je.
qaStaHvIS wej rep majaw'qu'.
mu' wIghoj:  tlhIngan Hol yejHaD qolqoS'e' maHlaw'.

Hoch vIvan.
Sunday maleghqa'be' 'e' vISov.
javlogh Qoylu'DI' tlheDmo' Duj vIlIghbogh, loSlogh Qoylu'DI' mebpa'mey
vImejrupnIS.
pa'wIj vIghoS.
tepwIj vIboS.
jIQongbe'.

pa'wIj vIDIlmeH mepba'mey vaS vIghoS.
lupwI' vIloS.
Duj vergh'a' vIluplu'.

qaS choS. qaS jajlo'. rIn jaj loS. jIHvaD rIntaH qep'a'.

wa' nem Qo'noSDaq!  wa'nem juHqo'Daq!

-- ghunchu'wI'

Prev by Date: Are you insecure?
Next by Date: Buy OEM Software
Previous by thread: Are you insecure?
Next by thread: Buy OEM Software
Index(es):