tlhIngan-Hol Archive: Mon Aug 06 14:20:22 2007

Back to archive top level

To this year's listing

• Index by Date
• Index by Thread
• Index by Author

qep'a' wa'maH loSDIch - Friday

Alan Anderson ([email protected])

• From: Alan Anderson <[email protected]>
• Subject: qep'a' wa'maH loSDIch - Friday
• Date: Mon, 6 Aug 2007 17:19:05 -0400
• References: <37826B4D36A89E43834F81F19D438B2B010699FC@USINKOK-EX12.NorthAmerica.DelphiAuto.net>

chorghlogh Qoylu'DI' jIvem.  jIHu'.  jISay''eghmoH.
nIQ vISopmeH mebpa'mey vaS vIghoS.
pa' latlhpu' vItu'.
loQ majaw.

pupHa'choH wanI'mey vIqawchu'bogh.
chaq jaj vIngu'Ha'.
Friday reDDaq maQam 'ej wIqonlu'.
maHvaD 'otlh qonwI'mey lo' mebpa'mey beq.
wIcha'lu' wej 'e' vIlegh.
De' ngotlh 'angtaH /stuff/qepa.html .

megh Dun wISopmeH malengnIS, loQ 'e' qap 'angghal.
Sushi Qe'Daq maSop 'e' chup.
tlhu'be' 'op 'ach HIDjolev wIlaDDI' matlhejqang.
Dunbej Qe'.
Quchlaw' Hoch.
ghomHom vImuvbogh lup taD.
Qe' wImejDI' Hergh wISuqmeH mayev.
pIch ghajbe' Qe' -- ghaytan ghaj mebpa' muD bIrmoHwI'.

paw Seqram be'pu'.
Seyba' puqbe'Daj Qup.
tInmo' megh, 'uQ SopnISbe' HochHom.
qep pa'Daq maba' 'ej majaw 'ej lutmey wImugh.
jIDoy'choHmo' mebpa'wIjDaq jIDum.
ramjep murI' puqloDwI' 'ej muja' naDev SaH Marc Okrand.
Qep pa'Daq jIchegh 'ej jawwI'pu' vImuv.

Qujqa' Munchkin ngotlhwI'pu'.

qaS choS.  qaS jajlo'.  rIn jaj wej.

-- ghunchu'wI'

• Prev by Date: Re:
• Next by Date: from-to
• Previous by thread: Re:
• Next by thread: from-to
• Index(es):
  • Date
  • Thread
  • Author

Back to archive top level