tlhIngan-Hol Archive: Mon Aug 06 14:20:22 2007
[Date Prev][Date Next][Thread Prev][Thread Next]
qep'a' wa'maH loSDIch - Friday
chorghlogh Qoylu'DI' jIvem. jIHu'. jISay''eghmoH.
nIQ vISopmeH mebpa'mey vaS vIghoS.
pa' latlhpu' vItu'.
loQ majaw.
pupHa'choH wanI'mey vIqawchu'bogh.
chaq jaj vIngu'Ha'.
Friday reDDaq maQam 'ej wIqonlu'.
maHvaD 'otlh qonwI'mey lo' mebpa'mey beq.
wIcha'lu' wej 'e' vIlegh.
De' ngotlh 'angtaH /stuff/qepa.html .
megh Dun wISopmeH malengnIS, loQ 'e' qap 'angghal.
Sushi Qe'Daq maSop 'e' chup.
tlhu'be' 'op 'ach HIDjolev wIlaDDI' matlhejqang.
Dunbej Qe'.
Quchlaw' Hoch.
ghomHom vImuvbogh lup taD.
Qe' wImejDI' Hergh wISuqmeH mayev.
pIch ghajbe' Qe' -- ghaytan ghaj mebpa' muD bIrmoHwI'.
paw Seqram be'pu'.
Seyba' puqbe'Daj Qup.
tInmo' megh, 'uQ SopnISbe' HochHom.
qep pa'Daq maba' 'ej majaw 'ej lutmey wImugh.
jIDoy'choHmo' mebpa'wIjDaq jIDum.
ramjep murI' puqloDwI' 'ej muja' naDev SaH Marc Okrand.
Qep pa'Daq jIchegh 'ej jawwI'pu' vImuv.
Qujqa' Munchkin ngotlhwI'pu'.
qaS choS. qaS jajlo'. rIn jaj wej.
-- ghunchu'wI'