tlhIngan-Hol Archive: Fri Aug 03 14:07:08 2007

Back to archive top level

To this year's listing

• Index by Date
• Index by Thread
• Index by Author

qep'a' wa'maH loSDIch - Thursday

Alan Anderson ([email protected])

• From: Alan Anderson <[email protected]>
• Subject: qep'a' wa'maH loSDIch - Thursday
• Date: Fri, 3 Aug 2007 17:07:01 -0400
• References: <37826B4D36A89E43834F81F19D438B2B0106958A@USINKOK-EX12.NorthAmerica.DelphiAuto.net>

chorghlogh Qoylu'DI' jIvem.  jIHu'.  jISay''eghmoH.
nIQ vISopmeH mebpa'mey vaS vIghoS.
pa' latlhpu' vItu'.
loQ majaw.

nuja'pu' 'angghal: nabna' Hutlh qep'a'vam.
vagh nabHommey lutu'lu':
* <taHjaj wo'> wIbomta'DI', <'Iv jIH> wIQuj.
* Friday <qaDHom wa'> wIQuj.
* Saturday <qaDHom cha'> wIQuj.
* Pizza 'oH Saturday 'uQ'e'.
* Sushi Qe' wISuch net chup.
vaj wa'maHlogh Qoylu'DI' qep pa'Daq maghom.
paSqu'be' Qanqor jay'.
<taHjaj wo'> wIbom.
<'Iv jIH> wIQuj.
vangwI' pong Hoch per.
ngeDbe'qu' 'op.
<rIlwI'> 'ang per vItuQbogh jIH.
vIloy'laHmeH jIghelnIStaHqu'.

ghIq maDegh.
maja'chuq.
De'wI'mey lo'taH nuv law'.

Denny's-Daq megh wISop'a'?  vIlIjpu'.

"Worlds of Translation" jInmol wIqIm.
vumlI' mughwI'pu'.
maDegh.
maja'chuq.

Denny's-Daq megh wISopchugh, Qe' Sumqu'Daq 'uQ wISop.
chaq ngoDmey vIyoy'moHpu'.

DortaHvIS pem, taghbej <poQ 'ar> poH.
motlh Qap Qanqor 'ej motlh luj 'angghal.
maj, qaSbej qaSnISbogh wanI'.
QapchoHchugh 'angghal, chaq taQchoH muD Dotlh 'ej Qugh wISIQnIS.
(vagh ben yotna'Daq QaptaH ghaH, 'ej tlhoy peDqu'mo' mebpa'meyDaq
wIvonlu'.)

qaS choS.  qaS jajlo'.  rIn jaj cha'.

-- ghunchu'wI'

• Prev by Date: Re: qep'a' wa'maH loSDIch - Wednesday
• Next by Date: Re: qechmey: Prism?
• Previous by thread: baS ngaSwI'Daq meghvaD Ha'DIbaHHey
• Next by thread: Re: Klingon WOTD: ghet (verb)
• Index(es):
  • Date
  • Thread
  • Author

Back to archive top level