tlhIngan-Hol Archive: Wed Aug 01 15:05:43 2007

Back to archive top level

To this year's listing

[Date Prev][Date Next][Thread Prev][Thread Next]

qaSchoH qep'a' wa'maH loSDIch

Alan Anderson ([email protected])

From: Alan Anderson <[email protected]>
Subject: qaSchoH qep'a' wa'maH loSDIch
Date: Wed, 1 Aug 2007 18:04:06 -0400
References: <37826B4D36A89E43834F81F19D438B2B010233F5@USINKOK-EX12.NorthAmerica.DelphiAuto.net>

Duj tIn ma'laHbogh vergh'a' Hutlh vengmaj.
malengmeH mapuvnISchugh, latlh vengvo' mapuvnIS.
wa'maH chorgh rep tlheD Duj wIlIghbogh jIH puqloDwI'.
maDo'chugh, wa' vI' wa' rep natlh Duj vergh'a' lengHom.
Indianapolis-Daq Qatlhbe' Hung.
yapchu' wa' rep 'e' vISov.
vaj wa' vI' vagh rep lengHom vInab 'ej wa'maH vagh vatlh wejmaH rep juH
wImej jIH puqloDwI' je.

SIbI' nuHIv veqlargh.  tIjmeH chaw' lIjpu' puq.
juHDaq machegh, chaw' woH, mamejqa'.  loQ mapaSchoH 'ach qay'be'.
tlhoS loj nIn pay' 'e' vItu'.  DaH pIch vIghaj jIH'e'.
mamev, Duj nIn vIje', maghoSqa'.  mapaSbej 'aj wej qay'.
qaSpu'DI' wa' rep, Duj vergh'a'Daq maSumchoHtaHvIS, Seng'a' wISIQchoH.
HeDaq mevtaH Hoch Dujmey.  jInabHa'law'pu'.
wa'maH Soch vatlh rep reH Hutvagh pIHlu' 'e' vIlIj.
QIt matlhetlh.  mapaSchu'.
tepmaj wInobpa' yavDujwIj vIverghmoHchugh, ghaytan tlhoy mapaS.
vaj nab chu' vI'ogh.
qachDaq yong puqloDwI' 'ej Duj malja' beqvaD tepmaj wIqengbe'bogh nob.
vangtaHvIS ghaH, verghmIch vIghoS.
qachDaq jIcheghmeH verghmIch lupwI' vIlIgh.

DaH mapaSqu'be'.
maruch.
qachDaq maghomchuq.
Hung mIw ngeD wISIQ.
chImbe' wa' bIQ bal qengtaHbogh puqloDwI' 'ej polHa'nIS ghaH.
veqlargh Qav 'oH.
choghvat 'och wIvegh 'ej Duj wItIj.
mapuvtaHvIS qetlh leng.

Philadelphia-Daq mapaw.
tepmaj wISuqqa'.
Duj vergh'a'Daq latlhpu' DIghom 'e' wInab.
chaH DIghom.
mebpa'mey wIrI' 'ej lupwI' wItlhob.
lupwI' wIloStaHvIS majaw.
tlhIngan Hol jatlhrupbe'mo' puqloDwI''e', nuqImbe'.
pawDI' lupwI' wI'el 'ach majaw' 'e' wImevbe'.
jatlh lupwI' DeghwI: Holvetlh vIghov.
wIghel: DaHjaj pawpu''a' tlhIngan Hol jatlhbogh latlh?
nujang: ghobe'. wa' ben vIQoy 'ej vIqaw.

tugh mebpa'meyDaq maH.  tagh qep'a'.

-- ghunchu'wI'

Prev by Date: Re:
Next by Date: Separate yourself from other men
Previous by thread: Re:
Next by thread: Separate yourself from other men
Index(es):