tlhIngan-Hol Archive: Sat Apr 07 07:34:16 2007
[Date Prev][Date Next][Thread Prev][Thread Next]
loQ Huch vIHutlhchoH
- From: Doq <[email protected]>
- Subject: loQ Huch vIHutlhchoH
- Date: Sat, 7 Apr 2007 10:32:12 -0400
- Domainkey-signature: a=rsa-sha1; q=dns; c=nofws; s=dk20050327; d=earthlink.net; b=IohVCjwiUHrZofCVIOd7RS3u/X0RAPEbzXqGkYrDhxcP3zDV3Z8FrIyULveP189U; h=Received:Mime-Version:Content-Transfer-Encoding:Message-Id:Content-Type:To:From:Subject:Date:X-Mailer:X-ELNK-Trace:X-Originating-IP;
qen be'nalwI' cha' puqloD Ho'Du' tI'nISlu'. cha' SanID DeQ poQlu'.
Qorwaghmey chu' poQlu'pu'mo' juHwIj, qa'meH Qorwaghmey vISuqta'. wej
SanID DeQmey vIDIlnIS. murup DIvI' qum. wa' SanID jav vatlh DeQ murup.
Do' Huch yap vIpolta', 'ach lujchoH polmeH Qu'wIj. ghaytan Hoch
vIDIlnISmeH jIHeghDI' jIvumnIStaH. Huch vIpolta'mo' jIvum 'e' vImevlaH.
qaStaHvIS Hoch qun roD vumnIStaH HochHom. qatlh jIpImnIS?
beb qa'meH poQ juHwIj. juHwIjDaq bIQ qengmeH tlhegh qa'meH poQ juHwIj.
tlhoy' poQ yotlhHomwIj. tlhoy' vIchenchoHmoH, 'ach muQaHDI' be'nalwI'
puqloD, tlhoy' QammoHmeH lam teqnIS. lam yap teqQo'. lam
vIteqchoHDI', bep ('ej vIng) be'nalwI' puqloD. <<pItlh!>> qap. vaj
DaH loQ chongHa'choH tlhoy'. muQaHHa'pu'.
juHwIj vIparHa'. juHwIj vIpar. juHwIj vIparHa'. juHwIj vIpar.
juHwIjDaq vInargh vIneH. juHwIjvo' vInargh vIneH.
Doq