tlhIngan-Hol Archive: Thu Dec 21 13:23:54 2006
[Date Prev][Date Next][Thread Prev][Thread Next]
lopmo' qechmey
- From: Doq <[email protected]>
- Subject: lopmo' qechmey
- Date: Thu, 21 Dec 2006 16:24:34 -0500
- Domainkey-signature: a=rsa-sha1; q=dns; c=nofws; s=dk20050327; d=earthlink.net; b=XkYc1y8PZVaiWCKZcMuofJvdpOwWmZstS5R/edeKR05/+eC43W9l/qGBZaoj3/5I; h=Received:Mime-Version:Content-Transfer-Encoding:Message-Id:Content-Type:To:From:Subject:Date:X-Mailer:X-ELNK-Trace:X-Originating-IP;
Qoyqa'lu'DI' (qaSpu'DI' rep veb) tagh lopwIj. qaStaHvIS loS jaj,
jIghIQ. jIlengbe'. juHDaq jIratlh. Such be'nalwI' puqpu' Wii
vIHutlhtaHvIS.
lalDanmey law'mo' loplu'. lalDan vIHutlh. lalDan Hutlh be'nalwI'.
pagh vItIch vIneH, ach jIHvaD lalDan wIchmey vIyajlaHbe'. puq lut rur.
wa' wo' vIDa. latlh wo' bop lalDan. lalDan wo' vIghoSchugh, pa'
vIDachoH. DaH naDev vIDa.
jIghIQlaHmo' jIQuch. naDev jIghIQ.
juHwIj lojmItDaq bom jIlwI'pu'. bom QoQ vItIv, 'ach Huj bom mu'mey.
lalDan bop.
jIlwI'pu' juH lojmItDaq puq bom vIbombe'. pa' tlhIngan bommey
vIbombe'. qatlh juHwIj lojmItDaq lalDan bommey bom?
taQ lurDechvam. lorDechmeychaj vIvuv. qatlh lurDechwIj luvuvHa'?
Doq