tlhIngan-Hol Archive: Wed Jun 30 17:54:05 2004

Back to archive top level

To this year's listing

[Date Prev][Date Next][Thread Prev][Thread Next]

Re: quvbe'lu'

David Trimboli ([email protected]) [KLI Member] [Hol po'wI']

From: "Alan Anderson" <[email protected]>

> > qoH vuvbe' SuStel
>
> chong!  majQa'!

choquvmoH.  chu'be' mu'tlheghvam: BG jIHDI' vI'ogh.  taghwI' vIghIj pagh
vImaw 'e' chup Seqram, vaj vIteq.

DaH BG jIHbe'.

> maQochbe' SuStel jIH je.  'ach jIHaghnIS -- SuStel puQmoHmeH leQ
> Samlu'law'pu'.  DaH chaq ghu'wIj yajchoHlaH ghaH.

loQ choyajHa'law'.  pIj leQvetlh yuvlu'.  SaHDI' charghwI' 'oH yuv ('ach 'e'
Hechbe').  luyuv latlhpu'.  jIQeH 'ej jIpuQDI' jImej pagh jItamchoH.

DaHjaj jIpImlaw'.  jIpuQmeH ghu' choHlu'pu'be', 'ach jIjeQchoHpu'.
tIqwIjDaq Holvam vIyaj, 'ej murIQmoHlaHbe' vIngwI'pu' HIvwI'pu' joq.  jIlugh
'e' vItobnISbe'.  jIlughqu' 'e' vISov, 'ej yap Sovvam.  chaq loQ qarbe'
chutHom puS vIHarbogh, 'ach ram QaghHommeyvam.  luHIvlu' 'e' luqotlh
vIngwI'pu'.  vIHIv 'e' vItIv 'e' vIHech.

Daj vay'.  reH jatlhlu': reH mej taghwI'pu' chaH ghIjmo' po'wI'pu'.  'ach
nuqDaq chaHtaH po'wI'pu''e'?  mejpu'be' taghwI'pu' neH; mejpu' po'wI'pu'
law'!  Hoch vImejmoH jIH'e'?  qechvam vIHon: jIpotlhqu'be'.  chaq mejmoH
taghwI'pu''e'.  reH vIng, jatlh chay' DIvI' Hol mu'vam mughlu' mu'ghomDaq
'oHbe'chugh?  jatlh qatlh tlhIngan Hol SeHbe'choH yejHaD?  jatlh Hol woQ
wIchernIS.  jatlh HI'pu' rur po'wI'pu'.  puqpu' rur taghwI'pu'vam!  Hoch
taghwI'pu' vIpojbe', 'ach chuSchugh vIngwI'pu' yap, mej luneH po'wI'pu'.

maQochbe'mo' jIbel.  motlh ghomvamDaq jIjeSDI' DIvI' Hol vIlo'.  DaHjaj
nuHwIj mojpu' tlhIngan Hol, 'ej nuHvam HoS law' Hoch HoS puS 'e' vItu'.  val
tlhInganpu'.

qoH vuvbe' SuStel
Stardate 4498.3

Back to archive top level