tlhIngan-Hol Archive: Wed Jun 16 17:27:53 2004
[Date Prev][Date Next][Thread Prev][Thread Next]
{mung Sep}: Quj 'oHbe', noH 'oH
- From: "QeS lagh" <[email protected]>
- Subject: {mung Sep}: Quj 'oHbe', noH 'oH
- Date: Thu, 17 Jun 2004 10:27:08 +1000
- Bcc:
wa'Hu' ram qaSpu' Quj'a'; {mung Sep}'e' Qujvam lupong *Australia*ngan. qaS
wej Qujmey, 'ej *rugby league* luQuj 'ovwI'; {mung Sep} Qujmey nIv law'
tera' Hoch latlh *rugby league* Qujmey nIv puS 'e' vIHar. 'ach Quj
'oHbe'bej; tlhoS noHna' 'oH.
qun vImuch: parchuq *Queensland*ngan *New South Wales*ngan je (*Queensland*
vIDab 'ej Sepvetlh 'ovwI' vIparHa'qu'); qaStaHvIS wa'vatlh DIS, maparchuq.
wa'vatlh ben qum'egh *Queensland*ngan luneH, 'ach chaw'Qo' *New South Wales*
qum. DaH cha' Sep'e' chevlu'chu'pu'bogh maH, 'ach maparchuqtaH.
vaj tlhoS tay noH 'oH {mung Sep}; qaStaHvIS {mung Sep} Qujmey, manongqu'.
wa'Hu' ram qaS {mung Sep} Quj cha'DIch. Quj wa'DIch'e' Qap *New South
Wales*nganpu' ({SuDwI'pu'} {vetlhpu'} ghap DIpong je; {DoqwI'pu'} chaH
*Queensland*ngan'e'). Hutlogh pe''eghpu' {SuDwI'pu'}; chorghlogh neH
mape''eghpu'. {latlh poH} qaStaHvIS Qap.
'ach Quj cha'DIch'e' Qapchu' *Queensland*nganpu'! cha'maH cha'logh
mape''eghta', 'ej wa'maH chorghlogh neH pe''eghlaHpu'. DaH Quj wejDIch
QujnISlu', 'ej vaj 'ovwI'pu' nIvqu' DIleghlaHbej! ('ach taHlaHbe'bej
HughwIj; jIjachtaH 'ej HughwIj vI'oymoHpu'!)
SKI: Queensland have squared up the State of Origin series.
Savan.
QeS lagh
_________________________________________________________________
Open an Online Savings Account today & collect a bonus $30*!
http://clk.atdmt.com/1DG/go/hsb005000991dg/direct/01/