tlhIngan-Hol Archive: Thu Jan 29 20:28:34 2004
[Date Prev][Date Next][Thread Prev][Thread Next]
lalDan qay' (was Re: Help with bible verse)
ja' ngabwI':
>qatlh SoHvaD qay' *Christianity*?
Dajanglu' DaneHqu''a'? vaj qajang jIH. qo'wIjDaq Hoch'e' luSIgh
lalDanvetlh wIchmey lurDechmey je. jIHvaD qay'qu'be', 'ach qay'bej.
>rop'e' 'oHbe' *Christianity*. lalDan 'oH.
Qo'! lalDan 'oH, 'ach lalDan wIH 'oH. HochvaD lugh 'e' luqap lalDanvetlh
pabwI'pu' motlh. Harbe'wI' ponnISqu' HarwI' 'e' poQqu' lalDanvetlh. rop
Dabej; nuvpu' ngejlaw'.
>chaq 'op *Christian* qechmey vIpar, 'ach chaH vItIchrupbe'.
lalDan pabwI' nong vIcherghrupbe' jIH. lalDanDaj pabchugh neH, jIbepbe'.
nuv lalDan pabnISba' nuv. 'ach lalDanDaj vIlajnIS jIH 'e' qapDI' ghaH,
jIpuQ. mobbe' Christianity; muvmoH lalDan law'. 'ach le' Christianity
Dotlh -- Dat muvmoHrupwI' vIghom.
yaHwIjDaq qay'pu'. maQoch Christianity jIH 'e' ghojDI' vay', pIj muHIv.
roD qechmeywIj neH HIvbe'. jIH'e' muqaD. qen Dup pIm vIwIv: HIvwI'
vIjangQo'. jIHarbe' 'ej jIyon 'e' lajQo'mo' Christian nong, 'ej jIyonmeH
jIchoHnIS 'e' vIlajQo'mo' jIH, maghoH not 'e' wImevlaH. vaj maghoH 'e'
wItaghqu'be'nISba'.
meqmeyvetlhmo' jIHvaD qay' Christianity.
-- ghunchu'wI'