tlhIngan-Hol Archive: Sun Apr 18 21:45:02 2004
[Date Prev][Date Next][Thread Prev][Thread Next]
wanI'wIj vIja'
- From: "Dr. Jeremy DM Cowan" <[email protected]>
- Subject: wanI'wIj vIja'
- Date: Sun, 18 Apr 2004 23:53:46 -0500
- Importance: Normal
qen pIj He pIm ghoSchoH yInwIj.
jIHvaD malja' vIpoSnISmoH chaq cha' ben 'e' vIwuqpu'.
'ach jIHvaD malja' vIpoSrupbe'moH.
vaj vIQul 'ej Huch vIpol.
tlhoS jIHvaD malja' vIpoSrupmoHDI' muyay'moH pInwI'.
Qelpu' jatlh cha' Hogh pIq yaHmeylIj bogheSHa'.
nujatlh malja' vIngev 'e' vInIDchoH 'ej vInIDtaHvIS nIteb vIvum.
malja'lI' vIje'laHbe' 'e' vIHar.
Huch 'ar neH.
jIHvaD jangbe'.
vaj qach vIje'laHmeH DIb vIDIl.
qaSpu'DI' wa' Hogh murI' 'ej yaHwI' vIgheSqa' jIH neH 'e' tlhob.
nIteb vumlaHta'be'.
Huch 'ar neH.
DaH jang.
waghHa'law' 'ach bIlughpu'.
yapbe' HuchwIj.
malja' vIje'meH muQaHnIS verengan.
DIb vIje'pu'bogh lumlaH yejwI'wI'.
malja' luje' 'e' lunID je latlh.
malja' vIje' 'e' vIta'laH 'e' vIHarbe'.
pay' mughel pInwI' malja' Daje'meH nuq machoHnIS.
maSutlh 'ej maQochbe'.
DIb'e' vIje'pu'bogh, Qagh ngevwI' 'ej HuchwIj luchegh 'e' raDlaH
yejwI'wI'.
DaH malja' vIje'pu'.
jIvumqu'.
SIDpu' law' vIpIv.
jIHvaD vum cha' Qel.
pIn jIH.
DISvam qep'a'Daq jISaH.
<<Arizona, naDev jIghoS!>>
janSIy