tlhIngan-Hol Archive: Wed Nov 12 15:31:34 2003

Back to archive top level

To this year's listing

• Index by Date
• Index by Thread
• Index by Author

Re: Enterprise

Scott Willis ([email protected])

• From: "Scott Willis" <[email protected]>
• Subject: Re: Enterprise
• Date: Tue, 11 Nov 2003 10:00:26 -0500
• References: <[email protected]>

----- Original Message ----- 
From: <[email protected]>
To: <[email protected]>
Sent: Saturday, November 08, 2003 12:47 PM
Subject: Enterprise


> wejHu' Enterprise vIbejlaHbe'.  naDev Se'vetlh wI'HevlaHbe'.  jIHvaD lut
yIQIjchu'.
>
> DloraH
>
lut vIDel 'e' vInID:

taghDI' lut, *Expanse*Daq lenglI' 'entepray'.
*anamoly*mey (motlhHa'ghach) ghomtaH.
wa' motlhHa'ghach ghomDI', rIQchoH *Archer*.
tugh, vem Archer. nov yuQDaq ghaH,'ej nIQ vut Topal 'e' tu'.
ba' 'e' ra' Topal, 'ej ArchervaD ghu' QIjchoH.
motlhHa'ghach ghomDI' 'entepray', QoghIjDaq *parasite* lulanlu'.
pumDI' rutlh, qaSpu'chugh wanI', qawchu'taH Archer, 'ach qen qaSpu'bogh
wanI'mey'e' qawlaHbe'.
qaSpu' wa'maH cha' DIS 'e' QIj Topal.
lujchu' Xindi nuH'a' SammeH Qu'.
nuH'a'chaj lulaghHa' Xindi, 'ej lulo'taHvIS, tera' luQaw'chu'.
tlhoS Humanpu' Hoch luHoHlu', 'ej Human chuv HoHmeH Xindi, nejlI' Xindi.
Archer yab lungejtaH *parasite*.
vorlaH pagh.
qaStaHvIS wa'maH cha' DIS, Hoch po ArchervaD ghu'vam QIjnISqa' Topal.

*Denobula*vo' nov yuQvamDaq paw Phlox. wa'maH cha' ben, Archer vorlaHbe'.
vormeH cham tu'be'lu'. vaj ngongmeH chamvam 'ogh Phlox.
*Radiation treatment* rur.
woj 'ut SuqmeH, pIvghor jonta' poQ Phlox.
vaj 'entepray'Daq chegh Phlox, Topal, Archer je.
DaH 'entepray' HoD ghaH Tripp'e'. Archer ghomqa'mo', bel Tripp.

Archer vormeH mIw lutagh. Qapchu'.
Archer yab Hotlh Phlox. *parasite* lutu'be'lu'.
'ach ngoD taQ tu' Phlox: wa'maH cha' ben, yabDaj HotlhDI' Phlox, tameyvetlh
pol Phlox.
tavetlh nuDDI', *parasite* lutu'be'lu' je.
nIblaw' DaH ta, ben law' ta je.
vaj ngerDaj maq Phlox: parasitemey Qaw'laHchu', vaj qaSHa' ben law' qaSbogh
wanI''e' 'e' qaSmoH.

pumDI' nISwI', 'entepray' luHIvchoH Xindi. 'enterpray' meH Qaw'lu'. Hegh
Tripp, Hoshi, latlh je.
vIH gho, vaj vangnIS Phlox, Topal je.
'entepray' lutIj Xindi, 'ej Topal, Phlox je HoH. Heghpa' Archer, vormeH mIw
rInmoH Archer.

'entepray'Daq vem Archer. yIntaH Phlox, Topal, Tripp, Hoshi je.
not qaS 'entepray' Qaw'bogh may', 'ej Xindi nuH'a' lunejlI'.
Archervo' DotlhDaj poQ Phlox.
jang HoD: <<jIwuQ>>.
jang Qel: <<yIleS, 'ej tugh bIpIvqa'>>.
ghIq, rIn lut.

lutHomvam vIDelchu' 'e' Datu' 'e' vItul.
*chan botlh* SoHtaHvIS, SoHvaD Hoch lutHom chu' vIDelqang.
DaneHchugh, tetlhvamvaD QIn yIlab, 'ej Qu'vetlh vIlajbej.
jIqeqmeH 'eb pov 'oH. }}: )

jIQaghchugh, HIlughmoH!

lutvam luDelchu'be'chugh mu'meywIj, vaj HIrI', 'ej vIQIj 'e' vInIDqa'.

SKI: ngabwI' describes last week's Enterprise episode for DloraH.

--ngabwI'
tIq. taQ. tlhIngan tlhaq. HovpoH!
http://web.tampabay.rr.com/ngabwi/
HovpoH 700777.2

• References:
  • Enterprise
    • From: [email protected]

• Prev by Date: Klingon WOTD: cheH (v)
• Next by Date: Re: Enterprise
• Prev by thread: Re: Enterprise
• Next by thread: Re: Enterprise
• Index(es):
  • Date
  • Thread
  • Author

Back to archive top level