tlhIngan-Hol Archive: Fri Oct 04 12:16:45 2002

Back to archive top level

To this year's listing



[Date Prev][Date Next][Thread Prev][Thread Next]

'orwI' jIHchoH




qaStaHvIS jar puS, 'ormeH mIw vIHaD.  'ormeH chaw' vIbajmeH Hoch Hogh jI'or. 
  'ormeH chaw' vISuqmeH loSmaH rep jI'or net poQ.  DaH wa'maH cha' vI' jav 
rep (12.6) vIghaj.

jIHvaD ngeDqu' 'ormeH mIw.  jISallaH, jIghIrlaH, jIlolmoHlaH.  yavvo' 
maSalmeH muDDuj vI'orlaHchu'.  'ach muDDuj vISaqmoHmeH jIqeqnISba'.  
ngeDbe'bej mIwvam.  wa' Hogh ret jISaqtaHvIS, jISaqchu'.  ghaytan mu' {tun} 
lo' tera'ngan.  Doj 'e' maq ghojmoHwI'wI'.

"yav DuSaQ" je vISIQ.  Hoch Hogh, cha' ram ghom ghojwI' law'.  'ormeH mIw 
wIHaD; qum chut DIHaD; 'ormeH QeD wIHaD; muD wIHaD; QummeH mIw DIHaD; muDDuj 
pat DIHaD; latlh De' je.  Daj ('ej 'ut), 'ach rut De' 'Iq vIHev.  pIj 
jIHaDnIS.

tugh nIteb muDDuj vI'or 'e' vInab.  ghaytan jav Hogh qaS wanI'vam.  
jIHoH'eghbe'chugh, ghomvaD wanI' vIDel.

Dop SuD yIyoyHa'moHtaH.

-- Holtej ('utlh; Qel; HoD; wa' yIwIv)

--
d'Armond Speers, Ph.D.
dspeers@bigfoot.com


_________________________________________________________________
Send and receive Hotmail on your mobile device: http://mobile.msn.com



Back to archive top level