tlhIngan-Hol Archive: Wed May 22 01:05:49 2002
[Date Prev][Date Next][Thread Prev][Thread Next]
Re: How fat is he?
- From: Captain Krankor <[email protected]>
- Subject: Re: How fat is he?
- Date: Wed, 22 May 2002 01:05:41 -0400
> ja' HoD taHqeq^H^H^H^H^H^HQanqor:
> >tlhIngan Hol lo'taHvIS vItIchlu'ghach qaq law' DIvI' Hol lo'taHvIS
> >vInaDlu'ghach qaq puS.
>
> nuqjatlh? qech DaneHbogh vIghovlaw', 'ach taQqu' pabqoqlIj.
>
> <-lu'> Hutlh <lo'taHvIS>. bong Danop'a'? chIch Danop'a'? Dachmo'
> mojaqvetlh, lo'wI' vIngu'laHbe'. <vItIchlu'ghach> vImuS; yabwIjDaq moH.
> mu'tlhegh vInuDtaHvIS, ghurtaH mISwIj.
chIch vInopbej. lo'wI' 'oH <<ghaH>>'e'. 'Iv ghaH? tIchwI'. <<-lu'>>mo',
tIchwI' vIngu'be', 'ach vay' ghaH, nuv ghaH. 'Iv ghaH? potlhbe'. 'ach
tIch 'ej lo'. jIjatlhlaH: jatlhtaHvIS ghaH monbogh loD vIvoqbe'.
jIjatlhlaH: jatlhtaHvIS monbogh loD vIvoqbe'. <<-lu'>> vIlo'chugh,
choHbe' ghu' 'e' vIHar. vaj jIjatlhlaH ('e' vIHar): jatlhtaHvIS ghaH
monlu'bogh vIvoqbe'. 'ej: jatlhtaHvIS monlu'bogh vIvoqbe'. loQ taQ
'e' vIchID 'ach mub 'e' vIHar.
'ach <<lo'>>Daq <<-lu'>> vIchelchugh, Qapba' je.
> qechvam vIjatlhmeH jIH, jaS vIjatlh:
>
> vItIchlu'meH tlhIngan Hol lo'lu'chugh, 'ej vInaDlu'meH DIvI' Hol
> lo'lu'chugh, vaj vItIchlu' 'e' vImaS.
qabbe', 'ach nIbbe'. vuD maq <<vImaS>>; ngoDHey vImaq vIneH.
> >Hagh qoHpu' neH HeghtaHvIS tlhInganpu'.
>
> yIHaghtaH, HoD.
jIHaghbe'. vIlaDqa' 'ej jISaQ. va, jIweb'eghmoHchu'. DaH jItamchoHchu'.
DloraH, BG DagheSqa'. Qapla', Hoch.