tlhIngan-Hol Archive: Mon May 06 07:58:24 2002
[Date Prev][Date Next][Thread Prev][Thread Next]
naD
- From: Andrew Strader <[email protected]>
- Subject: naD
- Date: Mon, 6 May 2002 10:21:58 +0000
- Organization: Decode
wa'maH cha' ben tlhIngan Hol jatlhwI' ghomDaq jIjeSchoH. ngugh jIQupqu' 'ach
jIHvaD Dajqu' Hol 'aH Hoch. jInenchoHtaHvIS jIHaDqu'taH. pIlmoHbogh 'ej
qaDbogh latlh jeSwI'pu'mo' ghur SovwIj. toH, le' ghu'maj. Do'qu' tlhIngan Hol
jatlhwI' ghom, yejHaD QaQ leHtaHmo' 'angghal'e', 'ej SaHtaHmo' Hol pIn maQ
'oqraD'e', 'ej QaHtaHmo' ghaH. Do'be'qu' latlh Hol HaDwI' ghom, jIjlaw'Qo'mo'
yejHaDchaj pInpu'chaj joq. Duv ghomvam Hoch 'e' luDuHmoHchu' DevwI'pu'ma'.
ghommaj luchev 'e' lunID 'op QochwI'pu', 'ach matay'qu'. Do'Ha'
chevchu'lu'pu', 'e' luSIQ latlhpu'. vaj DaH tlhIngan Hol chepmoHbogh
jeSwI''a' quv'e' DItlho'ba' 'e' vIqap. Qapla'.