tlhoghtaywIj

[willm@cstone.net]

chorghHu' jISaw. jIDo'chu'mo' jIQuchtaH.

tlhoghtayvaD wa'maH nuv jeS. wanI' ra' jIlwI'.

taghmeH *piano* chu' jIlwI', 'ej *recorder* chu' be'nalwI' 'ej *bodrhan (Irish 
drum)* vIchu'. *Scottish* bom *Mary's Wedding* wImuch.

QIchDaj much jIlwI'. mapIlchoH. Hoch lIH 'ej je'meH Qu' QIj.

QIchDaj much be'nalwI'. muDuQ. jISaQchoH.

QIchwIj vImuch. be'nalwI' vIDuQ. SaQchoH.

tlhoghmo' puqbe'wI' moj be'nalwI' puqbe'. wa'maH vagh ben boghpu'. QIchDaj much 
puqbe'vam. Hoch DuQ. SaQchoH Hoch.

[tugh Hoch QIchmeyvam vImugh 'ej naDev vImuch 'ach wej Qu'vam vIta'.]

ghIq *banjo* DIchu'. pIjHa' tlhoghtayDaq *banjo* chu'lu'. meq vISovbe'. QuchmeH 
jan 'oH.

ghIq malay'.

ghIq bom puqbe'. qatmeH *piano* chu' be'nalwI'. *Gershwin* bang bom bom.

ghIq Qeb DItam be'nalwI' jIH je. ghopmaj 'uch jIlwI'. be'nal loDnal je 
DImoj 'e' maq jIlwI'. nura'. jatlh "Smooch away!"

*piano* chu' jIlwI'. *cello* chu' jIlwI' be'nal. bom puqbe'wI'. *Donna Nobis 
Pachem* bom. *waltz* 'oH. wej *beats per measure* ghajmo' vItIv. 'ey. mamI' 
be'nalwI' jIH je.

ghIq mI'meH latlhpu', *recorder* vIchu' 'ej *piano* chu' be'nalwI'. *Star of 
the County Down* wImuch. *waltz* 'oH je.

'uQ'a' wISop. chatlhmey Dun chabmey Dun!

pup yuch chabmaj le'.

majeSmeH *Irish Ceili* mI'meH wanI' wIghoS. bID wanI'vaD majeS. pa' 
jupwI'pu'vaD cha' chab'a' DInob. yuch 'oH wa''a'. naHlet (vanilla spongecake 
with almond marzipan) 'oH latlh. 'IHchu'. ghIq 'eychu'. ghIq lojchu'.

ghIq juH wIghoS. yInvam vItIvchu'.

wa'maH HutleS qaStaHvIS chorgh jaj maghIQ. qaStaHvIS cha' jaj *Colonial 
Williamsburg* wISuch. pa' baS vumwI' wISov. yaHDaj wISuch. macheghpa' 'IrneHwI' 
be'nallI' je DISuch. wej jajchang'engvam wIwIvta'.

juHmaj wItIvchu'mo' qaStaHvIS HochHom ghIQmeH poHmaj juHDaq maratlh.

pItlh

charghwI'