Re: mu'tlheghmey Qatlh (was: Re: Headers. Yet again.)

[willm@cstone.net]

jatlh 'ISqu':
> napbe'bej Andrew Strader ghIthmey. HaDwI' law' qaDlaw'mo' chaq rut 'op nuv 
> tung. qechmey Daj Qummo' 'ej mu'tlhleghmey Sar ngajmo' motlh ghIthmeyvam 
> vItIvqu'. tlhIngan Hol yajmeH laHwIj DajDI' ghIth jIjeghQo', vIlaDqa'. 
> laHwIj tobchugh ghItlh jIbelchoH {{:-). QaQbej cha' wanI'. laHwIj luHoSmoH 
> ghItlhmey nap. laHwIj luDubmoH ghItlhmey Qatlh.

bIpo'choHba'pu'. bIDoj. bISaHchu'mo' wa' QaghHom vI'ang:

reH vay' Dublu'. vaj, <<laHwIj luDub ghItlhmey Qatlh.>>

mu' <<Dub>> lo'na' vIghojDI', vImerlu'. Dub vay' 'ej vay' DubmoHlu' 'e' 
vIpIH, 'ach jIQaghpu'. Dub'egh vay' pagh vay' Dublu'.

> Hol SovchoHchu'meH ghItlhmey Sar laDnIS HaDwI'.
> Do'Ha', puStaH tlhIngan Hol laDmeH 'ebmey. pIj buDlaw' po'wI'pu'.

bIqar, 'ach ghu'vam vIchoH vIneH. *EK:* [Exclusively Klingon] QIn Segh 
vItagh 'e' vInIDpu' [chIch jIbIv], 'ach not pervam lo' latlhpu'. qay'be'. pIj 
tlhIngan Hol vIlo'qang.

> pab 
> luqelbogh QInmey ghIthtaHvIS motlh DIvI' Hol neH lulo'. 

qaaaaaab! Ha'DIbaH qaaaab!

qabba' ghu'vetlh. ghu'maj vIDub vIneH. jIqabbe'qangchoH.

> cha' Hol lo'chugh 
> Dubbej ghu': tlhIngan Hol lulaDlaH 'op jeSwI'. tlhIngan Hol lulaD 'e' 
> lunIDlaH 'op 'ej DIvI' Hol neH lulaDlaH wej po'bogh jeSwI'pu'.

bIqar.
 
> toH, mu'tlheghmeywIj bolughnISmoHchugh, tlhIngan Hol je yIlo'!

lu'.

> 'ISqu'

charghwI'