Re: natlhqu' jay'!

[Andrew Strader <strader@decode.is>]

qa'ralvo':
>baQa'!  Hoch QInwIj bIngDaq DIvI' Hol veQ tu'lu' jay'!  ghom nIS'a'?
>tameyraj vImoHmoH 'e' vIpaybej 'ach pIch ghaj naDev QumpIn.  Human HuH!
>'oy'naQDaq vIba'moH jay'!

toH, natlh net tu'qu'. Doghqu'qu' tlhIjmeH ghItlhqoqvam'e'. ghaytan QumpInlI' 
ra'lu' je. Dat ghItlhvam chellu' vaj 'e' lura' mochpu'Daj'e'. mawvIpqu'bej 
malja'lIj yaSpu'.

jIHevmeH jIH vIchaw'lu''a'? chay' 'e' vISov? vIchaw'lu'be'chugh vaj 
jIvangchugh QIn vIlaDpu'DI', chut vIpabHa'bej'a'? wejpuH. De' ja'bogh 
ghItlhvetlh Sovba' qar'a' Hoch bo'DIj? jaS QumwI' pat loHwI'mey pumtaHchugh 
bo'DIjmey vaj tlhIjmeH ghItlhmey poQ Hoch, qar'a'?

Su', Hoch QInwIjDaq 'oH vIchelnISchoHlaw':

"QInvam laDmeH chaw' ghaj nuvpu''e' neH vIQeqpu'bogh. QInvammo' bI'oy'chugh 
pagh bIchepHa'chugh jIngoy'be'. QInvam DaHevmeH jIHechpu'be'chugh 'ach 
DalaDchugh qoj 'oHmo' bIvangchugh vaj chut DapabHa'. DaHevmeH jIHechpu'chugh 
'ach mImlu'chugh jIngoy'be'. Dumawchugh QInvam qatlhIj 'ach chonoDlI' 'e' bot 
chut."

chaq vIja'nIS je:

"muQantaH chut. reH chut vIlob. SopHa'chugh chutyaS, SIbI' ghaHvaD Soj Qop 
vIje'qa'."

Qo'. batlh ghajbe'chu' ghItlhHeyvam Hechbogh ghotpu''e'. mumawqu' ghItlhvetlh 
Doghqu'mo' neH. malja'ghomlIjDaq qoy'taH'a' Hoch? reH SuvIng 'ej SutlhIj 'e' 
lura''a' mochpu'lI'? pIj mu'meyvetlh Dogh rurqu' mu'meylIj'e'. tlhIngan Hol 
po'wI' SoHqu' 'ach jutlhIjlaw'. QI'yaH. yIna'choH jay'.

-- 
Andrew Strader