tlhIngan-Hol Archive: Tue Jul 02 10:34:47 2002
[Date Prev][Date Next][Thread Prev][Thread Next]
jIrop
- From: "Sangqar (Sean Healy)" <[email protected]>
- Subject: jIrop
- Date: Tue, 02 Jul 2002 15:34:47 +0000
vaghHu' jI'oy'choH. jItlhuHqu'DI', loQ 'oy' taghwIj poS pImuS. rut
qetqu'lu'DI', loQ 'oy' tagh. ghu'vam rur. cha'logh, wejlogh qaS; ghIq mev.
loSHu' jItlhuHqu'DI', jI'oy'qa'. 'ej mevbe'.
wejHu' choHbe' ghu'.
cha'Hu', jItlhuHqu'nISbe'. motlh neH jItlhuHDI', jI'oy'. vaj ropyaH qach
vIjaH. qaStaHvIS vagh rep pa' jIratlh. tagha', mujatlh Qel: <<"pleurisy"
Daghaj.>> tagh "tissue" Sachqu' 'ej loQ 'oy' 'e' 'oS "pleurisy". joQ
Hotmo' Sachbogh tagh "tissue" jI'oy'qu'. cha' Hergh munob. tagh "tissue"
SachHa'moH wa'DIch. 'oy' HoH cha'DIch. qaStaHvIS ramvetlh, Qap 'e' mev
'oy' HoHwI'. muvemmoH 'oy'. jIQongqa'laHbe'. latlh 'oy' HoHwI' vISop.
qaStaHvIS wa' rep jIloSnIS, ghIq jIQongqa'laH.
wa'Hu', DaHjaj je, juHwIjDaq jIratlh. 'oy' HoHchu'be' HerghwIj, 'ej
jIvIHDI', jI'oy'. 'ach chaq DaHjaj yaHwIj vIjaH 'ej jIvum. jIpaS 'ach
jISach. DaHjaj jIvumbe'chugh, wa'leS jIvumbej. juHwIjDaq jIratlh 'e'
vISIQbe'. jIghunmo', jIvumDI', jIvIHnISbe'. vaj, yaHwIjDaq jIpawchugh,
jI'oy'be'. 'ach yaHwIjDaq jIpawmeH, jIvIHnISba'. qay' ghu'vam.
_________________________________________________________________
Join the world’s largest e-mail service with MSN Hotmail.
http://www.hotmail.com