tlhIngan-Hol Archive: Wed Jan 30 19:37:55 2002
[Date Prev][Date Next][Thread Prev][Thread Next]
KLBC Re: peD
- From: Qov <[email protected]>
- Subject: KLBC Re: peD
- Date: Wed, 30 Jan 2002 16:30:44 -0800
lab charghwI'
> > wejHu' peDqu'.
>
>naDev loQ tuj. Huv chal. bom bo'Deghmey.
chay'?! bIQ'a' HeH DaDabbe', qar'a'? Huj muD Dotlh.
> > HurDaq muD DujwIj baghlu'mo', Duj naQDaq chuch
> > tu'lu'. qaSpa' jajlo' mapuv net poQ 'ach chuch vIteqlaHbe'.
>
>nISwI' Dalo' 'e' Daqel'a'?
nISwI', *napalm* joq DIqel 'ach nIn ngaSmo' telmey, Qoblaw' qechvetlh.
> > bIrqu'mo' muD, Qapbe' tetmoHmeH taS.
>
>naDev wep vIpoQbe'.
bInepbe''a'?
> > vIlanDI' DuD bIQ taS je 'ej SIbI' taDqa'. ghu'
> > 'arghmoH. vInan 'e' vInID 'ach telmey vIQIHbe'meH
> > vISay'moHlaHbe'.
>
>vaj nISwI' Dalo' DaneHbe'ba'. Do'Ha'.
>
> > va. taS nIv vIDIlmeH pInwI' vIrI', 'ach Dach
> > ghaH. DungluQ bIrtaH muD: bIQ taDmoHtaH Hat, 'ach wov pem Hov 'ej
> lubotbe'
> > 'engmey.
>
>nargh woj tuj 'e' bot 'engmey. HuvDI' chal, pIj bIrchoH.
ram, Huvchugh chal, bIrchoH yav. muD bIrmoH yav. pem, Huvchugh chal
tujchoHlaH yav. 'ach qaStaHvIS jarmey bIr, loQ taH Hov woj. HoSghajbe'.
>megh wISopDI' bangwI' jIH je, tlhogh Qebmey wIje'. *joint checking account*
>macher je. SaghchoH ghu'.
wIvvetlh vIwuqDI' jIbIt, 'ach DaH qarbej. qorDu' maH. maQorghchuq 'ej
mavoqchuq.
> > HovDaq vItlhe'meH, 'et rutlh bIngDaq chuch vIlan. Qap
> > qechwIj. DujwIjvo' tet chuch, latlh Dujmeyvo' tetpa'. ratlh chuch puS
> > 'ach vInanlaH, 'ej pem jIpuv. jIpuv 'e' vItIvqu', 'ach HurghtaHvIS Dujmey
> > vISay'moHbe' 'e' vIcherghlaH.
> >
> > FloridaDaq jIvum vIneH.
>
>VirginiaDaq jIDab. muyonmoH Daqvam.
CanadaDaq jIvum 'e' vImaS, 'ach mumogh muDvam. DaHjaj bIrqu'be', 'a nISbej
muD Dotlh.
METAR CYVR 302300Z 09009KT 1 1/2SM -SN BR FEW005 BKN013 OVC020 01/M00 A3016
RMK SF2SC4SC2 SLP214=
chIjwI' muD Dotlh ngoq vImugh:
wa' rep pIq *Vancouver*Daq muD Dotlhvam tu'lu'. chanvo' paw SuS. SuS Do:
pIvlob .000000015. loQ peDmo' 'ej muDDaq bIQ tu'lu'mo', wa' qelIqam wa'
bID qelIqam je leghlaH tu'wI'. 'engmey 'Iv: loS vatlh wejmaH vagh 'uj
'IvDaq chal cha'maH vagh vatlhvI' bot 'engmey. wa' SanID wa' vatlh wejmaH
'uj 'IvDaq chal SochmaH vagh vatlhvI' bot 'engmey. wa' SanID Soch vatlh
loSmaH 'uj 'IvDaq Hoch chal bot 'engmey. Hat: tlhoS bIQ taDmoHlaH. loQ
bIrchoHchugh muD, nargh bIQ. 'Iv juvwI' SeHlawDaq wej pagh wa' jav lannIS
chIjwI'. beQ 'engmey 'eS. loQ chong 'op 'engmey. bIQ'a' 'IvDaq 'uy' muD
'e' Del mI' Qav.
I'd appreciate any suggestions for better descriptions of these
measurements and units. It's not something I've paid a lot of attention
to, and I'm betting someone else has some suggestions.
> > SKI: Qov curses a frozen airplane in the dark
>
>SKI: charghwI' walks around in shirt sleeves and
>shades.
SKI: Qov attempts to translate the weather report from aviation to Klingon.