tlhIngan-Hol Archive: Wed Jan 30 15:20:25 2002
[Date Prev][Date Next][Thread Prev][Thread Next]
peD
- From: Qov <qov@direct.ca>
- Subject: peD
- Date: Wed, 30 Jan 2002 12:18:27 -0800
wejHu' peDqu'. HurDaq muD DujwIj baghlu'mo', Duj naQDaq chuch
tu'lu'. qaSpa' jajlo' mapuv net poQ 'ach chuch vIteqlaHbe'. bIrqu'mo'
muD, Qapbe' tetmoHmeH taS. vIlanDI' DuD bIQ taS je 'ej SIbI' taDqa'. ghu'
'arghmoH. vInan 'e' vInID 'ach telmey vIQIHbe'meH
vISay'moHlaHbe'. va. taS nIv vIDIlmeH pInwI' vIrI', 'ach Dach
ghaH. DungluQ bIrtaH muD: bIQ taDmoHtaH Hat, 'ach wov pem Hov 'ej lubotbe'
'engmey. HovDaq vItlhe'meH, 'et rutlh bIngDaq chuch vIlan. Qap
qechwIj. DujwIjvo' tet chuch, latlh Dujmeyvo' tetpa'. ratlh chuch puS
'ach vInanlaH, 'ej pem jIpuv. jIpuv 'e' vItIvqu', 'ach HurghtaHvIS Dujmey
vISay'moHbe' 'e' vIcherghlaH.
FloridaDaq jIvum vIneH.
SKI: Qov curses a frozen airplane in the dark