Re: chaDvay'

[PeHruS9@aol.com]

In a message dated 1/9/2002 5:36:58 PM Mountain Standard Time, 
sangqar@hotmail.com writes:


> vaj "second" lup je rap'a'?  'ej "minute" tup je rap'a'? 'ej "hour" rep je 
> rap'a'?
> 
> "month" jar je rapbe' 'ej "year" DIS je rapbe' 'e  vISovmo' vItlhob.
> 

DIngtaHvaS Qo'noS yuQ, cha'maH jav tera'ngan repmey natlh net Qoy.  cha'maH 
loS repmey neH ghaj Qo'noS jaj; vaj Qo'noS rep nI' law' tera' rep nI' puS.  
javmaH tupmey ghaj wa' Qo'noS rep; vaj Qo'noS tup nI' law' tera' rep nI' puS. 
 javmaH lupmey ghaj wa' Qo'noS tup; vaj Qo'noS lup nI' law' tera' lup nI' 
puS.

latlh De' vIQoypu':  Qo'noS tIn law' tera' tIn puS.  tera' yuQ  wa' vI' vagh 
ghor rur Qo'noS ghor.  puH 'oH ghor chorghmaH vatlhvI''e'.

DIngbogh Qo'noS yuQ Do mach law' tera' Do mach puS 'e' vIHar.

vagh jarmey neH ghaj tlhIngan wo' 'ISjaH net Sov.  chaq loS Hoghmey latlh je 
ghaj wa' tlhIngan jar.  'ach Hogh jajmey permey vISovbe'.  Soch jajmey 
ghaj'a' wa' tlhIngan Hogh 'e' vIpIH, 'ach vISovchu'be'.

peHruS