tlhIngan-Hol Archive: Tue Feb 19 17:14:07 2002
[Date Prev][Date Next][Thread Prev][Thread Next]
RE: jaS jIchegh
tlhoS jIjatlhlaHbe'.
> ja' charghwI':
> >> >DaH jIyIn. potlh. jIHeghDI' tugh vIlIjlu' 'e' vIpIH. jISaHbe'...
> >> >ghaytan muqawchugh pagh mulIjchugh, jISaHbe'.
> >>
> >> reH qaqawtaH, jupwI'.
> >
> >'ej DaHeghDI' muqaw 'Iv? 'ej HeghDI' nuvvetlh muqaw 'Iv? nI' wo' poH. ngaj
wa'
> >nuv poH. puSqu' nuv lutmey luqawnISlu'bogh.
>
> taHchugh Holvam, reH Daqawlu', charghwI'. bIHeghDI' yuQ HopDaq pIloSbe',
> 'ach Daqawlu'. jIH latlh je jughojmoH SoH. latlh vIghojmoH jIH. latlh
> ghojmoH chaH. reH DuSIgh ghojmoHwI'lI'.
ghojmoHwI' vImoj not vIneH. [Huj mu'tlheghvam, 'ach vIDublaHba'be'. chut QIp
vIbIv vIneH 'ach qay'wI'vam vIjunta'.]
QaHwI' neH vImoj vIneH. reH maghojchuqmoHtaH. ghojwI' chaH Hoch'e'. ghojmoHwI'
chaH Hoch'e'.
> nIqawtaH ghomvam ta. rambe' chavlIjmey. taH tonSaw' peghmey paq le'qu'.
paqvammo' jIHem. 'ay'Hom neH vIqon 'ej latlh 'ay'mey potlh law' 'ay'HomwIj
potlh puS, 'ach jIHemtaH. 'IHqu' paqvam 'ej le'chu'.
> taH matlh jupna' 'obe' tetlh. taH yIn lutmeylIj. taHjaj qorDu'lIj.
not vav jIH 'ach vav qa'meH vImojlaw'lI'. yap.
'ach nI'chu' <reH>. QopchoHchu' HuD'a'. 'eng jeDHa' moj yuQ 'ej ngab. meQchu'
Hov 'ej bIrchoH 'ej 'eng moj 'ej ngab. rInpa' <reH> ngab Hoch.
ngajchu' yInmaj, qawlI'ghachmaj je. maHemDI' maDogh.
'ach jIHem 'e' vItIv. vaj jIHemtaH. jIDogh 'e' vISaHbe'.
> -- ghunchu'wI' 'utlh
charghwI'
'utlh