Re: jaS jIchegh

[willm@cstone.net]

> jang charghwI' 'utlh:
> > > wa'Hu' choS Qe' vIghoStaHvIS, chal Huv vIHotlh. boghpu' maS chu' 'e' 
> > > vISov.
> > > qaStaHvIS tup law', jInej. DujHom vItlhe'moHtaHvIS, pay' Sormey jojDaq maS
> > > vISamta'. langqu'qu'. Dalegh'a'? 'IHqu'.
> >
> >vIleghbe'. qen bogh maS chu' 'e' vISov 'ach maSvam lang vInejbe'. Hur
> >vIratlhbe'. qaSpa' choS, mI'meH qep vIghom. cha'maH wa'vatlh rep juH
> >vIghoSchoH. mutlhej bangwI'. chal vIbuSHa'. mInDu'Daj HewIj ghap vIbuS.
> 
> maj. bangwI' mInDu'Daq maS vIleghDI' jISeychoH.

net Sov.

> chay' DaHjaj Sulop? ghaHvaD yuch Daqeng'a'?

Qu'mey motlh DItoy' (Sutmey DISay'moH, 'uQ wIvut...) 'ej 'uQ wISopDI' maleghmeH 
cha' weQ neH wIlo'. 'uQ wIrInmoHta'DI', yuch maSop.

paq machchu' munob bangwI'. paqvamvaD <parmaq QInmey> perlu'. wejHu' qaStaHvIS 
loS rep bangwI' *piano* vI'eymoH. jIHvaD chu'.

ghIq malopbej, 'ach wanI' vIDelQo'. chaq QInvam laDlaH puqpu' net Sov.

> bangwI'vaD bangjaj nob vInobta'. wa'maH wejHu' leSpoHHom vIDIl.

maj. DaQorghbej.

> Sajmey toD bangwI'. toDbe'lu'chugh, Sajmey HoHlu'. mu'ItmoH ghu' 'ach
> vangchu' bangwI'. muHemmoH.

maj. chay' toD? nuqDaq yInlaHtaH?
 
> toDwI'pu'vaD qep tu'lu' 'ej jeSmeH bangwI' vIDIl. puHlIj monDaq qaS qepvam.
> vengvaD rIchmonDI' ponglu'. (HuDmIp?) Hopbe' SoH vengvam je, qar'a'?

veng'a'vam vISovchu'. pa' jIboghpu'. pa' luDab SoSwI', be'nI'wI', juppu'wI' je.

> qep tIvqu' bangwI' 'ej qaStaHvIS loS jaj jImob 'e' vItIv.
 
jIyaj. tlhuHtaHghach rur. qoD ghoSchu'pu'DI' muD, Hur ghoSnISchoH muDvam. 
Sutlhej'eghpu'DI' SumobnIS. Sumobpu'DI' SutlhejchuqnIS.

> > > Qe'Daq maghom jIH vumwI'pu' je. maSoppa', HIq wItlhutlhba'.
> >
> >pIj HIq vItlhutlh. reH HIq tlhutlh HochHom tlhInganpu' net Sov, 'ach HuvtaH
> >yabwIj 'e' vImaS. reH Suvrup SuvwI''a' net Sov.
> 
> jIchechchoH 'e' vIHechbe'bej. jIpujchoHlaw'.
 
Do'Ha'.

Do' DuSambe' jeghlI'.

> > > loQ jIchechchoH.
> > > tlhIngan Hol vIljatlhlaH 'e' Sovbe' jup chu' vaj jI'agh. HIvje' vIpep 'ej
> > > pe'vIl jIjatlh <<'IwlIj jachjaj!>>. tamchoH Qe'.
> >
> >nIHo'ba'. nIghal. vaj tamchoH.
> 
> DaQIjchu'.
 
maj.

> > > ghotI' 'ey vISop 'ej jIyon. pItlh.
> >
> >maj. ghotI' vItIv 'ach roD naH neH vISop. rut ghotI' DISop bangwI' jIH je, 
> >'ach
> >not Ha'DIbaH Sop bangwI' puqbe' ngotlh 'ej Sopchugh latlhpu' bep puqvam.
> 
> jIQuptaHvIS not Ha'DIbaH vISop 'ej jIngotlh. 'a DaH jIqan. rut Ha'DIbaH vISop
> 'ej vItIv. jIngotlhHa'.
 
roD naH neH vISop. rut ghotI' vISop. roD bo'Degh, puH Ha'DIbaH je 
vISopQo', 'ach vay' vItIch vIneHbe'. vItIchbe'meH, rut Ha'DIbaH vISop. 
jIngotlhbe'.

charghwI'